السلام عليكم ورحمه الله وبركاته ..~~ ماشاء الله تبآركـ ذكاء حنكه وصبر وطموووح وغير مسرف تابعت افكاركـ وتجاربك من الألف الى الياء اولاً بدآت بحلم واجهتك عقبات يصعب على الاخرين تحملها صبرت ونلت ووصلت لهدفك وحلمك البعض يجرب مشروع وتواجه احد العقبات الي واجهتك ويقول مشروع فاشل لاكن بعد الموضوع هاذا ماعرفت شي اسمه فشل تعلمت ان الفشل درس وتعلمت منك افهم الدرس واستفيد منه واحوله الى نجاح <<هاذي النقطه مهمه جدا لأي مشروع تعلمت ان الوصول الى القمه خطوه بخطوه واذا انقزت اكثر اطيح ويمكن مااقوم واكمل بعدها ارجع لاول خطوه من جديد او اقول مستحيل الوصول الى القمه (هدفي)..! هينا مثل ماذكرت بتجاربك التجاره حبه حبه ومااستفدت منه: ان بدايته التجاره ممكن تكون المكسب 1 ريال او نص ريال يومي <اعتبرها انجاز لي بحياتي السبب لني عرفت كيف انجح بتجارتي ولو بلقليل واذا عرفت طريق النجاح اكيد افهم سر من اسرار اللعبه وامخمخ فيها واطلع بدال الريال 100 ريال وهاذي هي التجاره مثل ماذكرت ليس لتضيع الوقت او لدخل الضافي التجاره هي :زياده راس المال كيف ازيد راس المال والمال انا بحاجه له لمصاريفي اليوميه ..؟ هينا انت وشطارك تخصص جدول بحيث توزع اموالك للمصاريف والتجاره نجي للنقطه الاهم كيف اختار مشروعي .؟ اهم حاجه الوقت مثل موسم العطل الصيفيه تبيع بلحدائق والمنتزاهات او الاستراحات موسم الربيع مخيمات وتآجر وبليوم تطلع 1000 ريال اجار يومي وانت ومخيمك تختار السعر المناسب وشغله مربحه وتطلع منها خير تأجير الدبابات موسم الجح موسم التمر وفيه امثله كثير اهم حاجه الموسم وتختار المناسب له مثل المشاريع المؤقته وتابعه بنفسك اول بأول وتكون فاهم الشغله وحاسبها صح وماتسوي شي الا وفكر مليوووون مره انا عن نفسي وطموحي الي ابي احققه امتلاك ورشه كامله والكامل الله درست ميكانيكا سيارات ومعي دبلوم وانا قبل اتخرج بشهر كنت اشتغل بورشه سيارات مكانيكي براتب 1000 ريال كل الي همي اتعلمه كيف ادير الورشه والخبره الي يملكها صاحب الورشه صاحب الورشه رجل معاق مكانيكي يمشي على ركبه ويشتغل وشغله نظيف واستفدت منه كثير ووظبنا انا وهو سياره والتجربه هاذي كسبت خبره كبيره والسياره ماشاء الله عليها تمام التمام وكنت اطبق بورشه البلديه من الساعه 7 الى 12 الضهر واشتغل بلورشه من 2 الى 10 بليل واستمريت شهر كامل على الوضع وبدا التعب فيني وبديت انام وانا ماادري عن نفسي بلورشه والعامل يقومني وماكان عندي سياره مشي من البيت الى الورشه معتمد على نفسي^^" ولا وصلت للبيت طحت ومادريت الا واقوم للورشه البلديه وكرف مو طبيعي تريلات وبشمس واذا صار مافيه شغل نمت باحد التريلات نريح وماادري الا ويجيك المراقب ينادي بصوت عالي تعال ربط وفك اي شي لو ماله لزمه بس لازم نشتغل ^^ طبعا صبرنا وتحملنا وتركت الشغل بلورشه بلمساء وكملت دراستي وتفرغت لها وماطلبت راتبي من الورشه كسبت الكنز الي يمكله صاحب الورشه واستفدت منها كثير وعتبرت نفسي اني داخل دوره واتعلم منها وخبره لابأس فيها وتخرجت والحمد لله والعيال يله معنا الكليه واقولهم لا ابي افتح ورشه واترزق منها لاكن الي واجهني ومااقدرت علشان اسس الورشه رأس المال اخوياي تخرجو وانا الى الحين بلبيت انتظررررررررررررر شفت مواضيع بهاذا المنتدى عن الصناديق وقدمت على بعضها وشفت المواضيع والشكاوي والتأخر وتعال واتصل وعرفت انها ماتصلح لي والبنوك كاتعطي شي من جيبها ترد حقها وزود وممكن يكون ربا وشفت موضوعك وقريته بتركيز مع كم زقاره ومخمخه وفهمت بعض الامور الي احقق فيها احلامي طبعا من بكرا راح ابدا تجربتي بسوق الخضره واترزق الله الى مايجي موسم التمر واترزق منه والله يوفقني ومعروف عن القصيم عالمياً بتموووور وهاذي فرصه لازم مانضيعها وخصوصا العماله تجي وقت التمور وتبيع وتشتري واذا انتهى الموسم رجعو ومعهم ملاين والشعب السعودي ؟ بلاستراحات والمقاهي وفرفره بشوارع <<مرينا فيها وملينا الى مته ؟ لازم نغامر ويكون لنا هدف بلحياه واشكر صاحب الموضوع والله يوفقك ويرزقك وين ماتروح لو تسوي لك مدونه وتكتب فيها تجاربك تطلع منها خير .! وشلون ؟ تسوي المدونه وتجيك الزوار من جميع الدول تسوي اشهار للمدونه واسهل شي تشهر عن طريق النت وتسوي اعلانات لقوقل وتكسب منها مع كم اعلان مواقع ومنتديات وممكن تسوي دورات بتجاره بنفس المدونه وعلى كل واحد تاخذ منه مبلغ تحدده انت خبرتك تأهلك اضمن دخل شهريا مايقل عن 5000ريال وكلها موقع ولو مجاني مربح اعتبره محل ومفتوح 24 ساعه ^^" الله يوفقك ويرزقك وين ماتروح ماشجعني على التجاره الا امثالك واشكر الاداره على المنتدى وانا كنت من زواره وتابعت المواضيع من بعيد لبيعد بس شفت موضوعك وقلت لازم اترك بصمه فيها تحياتي/