المشاركة الأصلية كتبت بواسطة عاطلة مش بطالة

يا ليتك ما وضحت يا عزيزي ! لأنك مثل ما يقولون خلطت عباس مع دباس وزدت الطين بلة!

أولا أنا ما أدخل شاتات لا كتابية ولا صوتية .. وأنت الآن أضفت لي معلومة إن حتى شاتاتهم الكتابية والصوتية تسبنا !

أنا أدخل المنتديات اللي تمثل غالبية الشعب والحكومة جزئيا وهي اللي يكثر فيها عقلاؤهم وعلى رأسها منتدى الشبكة الوطنية الكويتية !

هالمنتديات تمثلهم وأغلبهم فيها وكثير من مواضيعها ضدنا

منتدى الشبكة الوطنية الكويتية (بما إنك ذكرته) متيح سب واستقصاد السعودية ولو ما كانت ترضيهم مواضيع السب كانوا حذفوا المواضيع مثل ما يحذفون المواضيع اللي تسب الكويت أو على الأقل قفلوها مو يتركونها حتى توصل الردود 100 وأكثر وبعدها يقفلونها هذا إن قفلوها !

اللي يدافعون عنا في الشبكة الكويتية أغلبهم سعوديين على سبيل المثال ( اجتثاث .. بسام .. أبو تركي .. نيو كلير و... غيرهم ) سعوديين مو كويتيين ! أنا أدخل هالشبكة من زمان وأعرفها وأعرف اللي فيها !

وما أبي أذكر لك أسماء المتخصصين في الإساءة للمملكة برعاية الشبكة الكويتية لأنه مو موضوعنا ولا فكرت فيه بردي الأول أصلا .. فقط أعطيك لمحة علشان تعرف إني مطلعة على الوضع وما أرد بجهل!

بالنسبة للدعم الكويتي للسلع و...... ما راح أقول لك عن الـ 15 % اللي أمر بها أبو متعب للشعب قبل تفكر فيها الكويت واللي مستمرة من أكثر من 3 سنوات إلى الآن ولا عن دعم الجمعيات الخيرية ولا ولا ...ولا راح أطلب منك عدم المقارنة بين 20 مليون و600 ألف مواطن ولا ... لأنه مو موضوعنا !

أنا ردي كان محدد عن شيء واحد فقط وهذا المهم اللي يجب أن تفهمه

ردي كان عن المنة على السعوديين اللي يشتغلون هناك وفي الشبكة الكويتية تحديدا همز ولمز صريح عنه وأكيد إنك قرأته

أنا ما قلت إن الكويت ما تعطي السعوديين رواتبهم أو تضطهدهم أو ... أنا قلت يمنوون على السعوديين اللي يشتغلون هناك وبعضهم يطلق عليهم ألقاب سيئة وما راح أذكرها لأني أفترض إنها من قلة ولأن ( وهذا الأهم ) مو قصدي الإساءة للكويت ولا الشحن عليهم !

قصدي واحد فقط

يا سعودي عش بكرامتك في بلدك حتى لو عشت على جفاف وكفاف!

اللي يقبل المن والإساءة يروح بسلامته لكن اللي يروح وهو يظن إنهم ينظرون له مثل ما ينظر لهم كأهل وأخوة عليه أن يفهم مكان قدمه قبل أن يضعه !

السعودية مليانة خير وفرص فقط استغلوها ومو شرط تتوظف أبدأ ولو بـ 500 ريال وبتلاقي الرزق كالمطر وهنا في المنتدى قصص كثير من الشباب بدأوا والحمد لله انفتحت لهم

أتمنى تكون فهمت ردي وقصدي

الله يعز بلدنا قبلة المسلمين ويديم خيرها وأمنها