اخوي انا بعطيك نصايح من واقع تجربه ولله الحمد

شوف اخوي انا راتبي والله 2500 ريال وكان زواجي باقي عليه حوالي 8 شهور المهم
فكرت شفت ان الراتب مايسوي شي
اخذت قرض ددسن دين قسطها 1500 ريال كم يبقى؟
1000 ريال
طلع معاي حوالي 50000 ريال المهم

اشتريت 12 كمبيوتر وسويت مقهى انترنت انا اداوم فيه ومعاي عامل براتب 800 ريال

بس اختر ايجار رخيص لان الاجار تعبني اول شي المهم

بديت ادفع القسط من ثاني شهر معناته راتبي رجع زي ماكان بس صرت املك محل
بعد كذا بدا يزيد الدخل

ولله الحمد تزوجت وعندي بنتين وعندي سيارة 2006 وفتحت محل ثاني والله من هالخطوه الجريئه

وسنه اروح اصيف بالاردن وسنه جالس بالبيت يعني الحمد لله والشكر والمنه

اخوي
كل مشروع يبي دراسه ويبي راس مال لو بسيط انا بعطيك بحكم اني صرت ادور ورا المحلات وودي احسن من دخلي بعد

شوف انا ماقريت الردود كلها يمكن انت قلت عندك راس مال او ماعندك ما ادري

عموما

المشاريع الناجحه باذن الله

مقهى انترنت بموقع قريب من العماله يعني مصريين بنغال احسن من السعوديين اللي شات ومنتديات وكل يوم فاقعين اجهزتك بالفايروسات اما العماله على الياهو او ksafone وهذي تبي اجهزة اشبه بالمتواضعه

قيمه الجهاز لا يتجاوز 1100 ريال بحكم اني اشتري جمله الكبائن او الطاولات مع الكراسي بتكلف حوالي 150 ريال
يعني لعشر اجهزه 1500 والكمبيوترات ماتكلف اكثر من 15000 يعني مشروعك باذن الله بتشغله باقل من عشرين الف ريال ودخل لايقل عن 5000 ريال اذا ربي موفقك

المشروع الثاني هذا اتوقع بيكون ناجح باذن الله
بحكم انك بالرياض فيه مواقع بعيده شوي عن العليا والاماكن الغاليه انا رحت للرياض ونادر ما اجيها
بس انت اكيد لك خبره فيها

يعني زي النسيم فيها شوارع رئيسيه وكبيرة واتوقع اجاراتها بتكون رخيصه وفيه حي والله مدري وش اسمه فيه شقق مفروشه كثيره المهم طيح بجنب الشقق المفروشه وخذ لك محل صغير يعني واجه اربعه متر ونص بتكفي
وتسوي وجبات سريعه الوجبات السريعه انا عندي لك اربع او خمس نوعيه وجبات اعلمك عليهن لو انت جاد بتنصدم من سهولتهن وتنصدم من فايدتك فيهن

الارباح المتوقع من هذا المشروع اذا الايجار بحدود 1500 الى 2000 ريال

لايقل عن 6000 اذا انت جمب شقق مفروشه او شوارع يمر عليها ناس
واذا الله افرجها عليك واخذت سيارة ايجار ووصلت عليها للمنازل اللي حولك اتوقع لايقل عن 9000

مع اني ما اعرف الرياض كيف الشغل فيها بس على اقل تقدير هذا اللي بيطلع لك



المشروع الثالث وهذا ناويه ان شاء الله بعد 6 شهور

اكيد عندك بيت واكيد عندك حوش كل اللي يبي منك ايس مشين يعني صانعه ثلج واكياس بلاستيك وسيارة لو صغيره المهم

الثلج بيكلفك ماء وكهرباء للمكينه وفريزر عشان تعبي فيه تقدر تشغل العيله معك في البيت وتشوف لك هندي يوزع لو على سيارته الخاصه وكثير اللي يدورون اوفر تايم بالرياض
كل اللي عليك تبيع الثلج بريال تخيل لو تبيع على اقل تقدير لكل محطه بانزين او بقاله 5 ريال بس احسب في 50 بقاله ومحطه بيكون بيعك حوالي 250 ريال يعني بالشهر 7500 لو رميت 2000 ريال تكاليف كم يبقالك 5500 على اقل تقدير على فكره المطاعم حتى بالشتاء تنزل ثلج للعصيرات

لو قلنا انك تبي تخربها وشريت فريزر ونزلته عن البقاله اللي تنزل منك بكميات كبيرة وهذا عرض يعني
بيكلف الفريزر حوالي 800 ريال والفريزر لك يعني اذا مانزل منك تشيله منه

طبعا استأجر محل لو بالخرج او سوه بالبيت عشان تاخذ عقد ايجار وتطلع ترخيص الترخيص بيكلفك 300 ريال بس


فيه مشروع بعد درسته واعجبني

تروح لمحلات المكسرات الشعبيه يعني وتاخذ لك خيشه فستق وفصفص ولوز وجوز اقسم وزن الخيشه على 200 غرام او 100 غرام شوف كم يطلع لك ارباح اذا وروح لمحلات بيع البلاستيك وعبي ودبس وحط عليه ستيكر تاريخ التعبئة وتاريخ الانتهاء وبيع على المحطات الخارجيه


فيه مشروع عاجبني مره تسوي لك موقع الكتروني وتبيع فيه ملابس نسائية داخليه تشتريها من السوق بحوالي خمسه ريال وعشرة ريال وتصورهن وتعرضهن على الانترنت وتقول توصيل داخل الرياض وفيه منتديات نسائية كثيره فيها هالموضوع هذا واشوف ان الشراء من الانترنت افضل من الاسواق
وتجيب لك هندي يوصل لهم للبيت

اهم شي التوفيق من ربك

وفيه مشاريع كثيره اقدر افيدك فيهن لو حبيت ان شاء الله اقدر ارجع للموضوع اشوف ردك

موفق خير اخوي وكل ماضاقت تفرج

عندك موسم التمر اذاما عندك سياره ولاتملك الا الفين ريال فقط فقف في الحراج بعد صلاة الفجر واشتر لك حمل سياره بقيمة 1000-1500 وبع بالمفرق حالا بظرف 3ساعات تجد نفسك حصلت بما لايقل 400ريال ثم اذهب وباشر اعمالك وقس عليها الحبحب والخضار وغيرها .
ثالثا / وفي مجال اكبر قليل ومختلف خذ قرض 50000الف وافتح لك مغسله وهي اقل المخاطر وهي صافي الربح الشهري بما لايقل عن 3500ريال بعد اختيار الموقع والديكور والعماله وقس عليها بعض المحلات المشابهه وترى شغل المغسلة حلو جداً بس أهم شي الموقع .. يعني حول مجمع شقق مفروشة أو سكن عزابية والا ثنينهم سوا.
لي صديق يشتغل في تقسيط السيارات ( يمكن يبغالها رأس مال ما أدري ) ولكن هو موظف عادي ويقسط مع ملاحظة ما يقسط الا لأشخاص يثق فيهم مع أخذ كل الوثائق اللأزمة هو في مجال عمله وعنده زبائن كثير من العمل ويقول مو ملحق سألته كم تستفيد من تقسيط السيارة وقال الفائدة مو من السيارة هذي وقسطها الفائدة من ( دوران السيولة ) الي يجي من الأقساط يشتري فيه سيارة وما شاء الله عليه الأن يقسط كل شهر سيارة مع انه موظف عادي وراتبه دون 6000 ولكنه ما شاء الله عليه مبدع في التقسيط
مكتب عقاري افتراضي على شبكة الإنترنت

المطلوب : إنشاء موقع على الإنترنت يضم قاعدة بيانات عقارية مخصوصة
ما هي البيانات العقارية المخصوصة ؟

سوف تضع في موقعك هذا كل العروض المختصة بالفلل السكنية الصغيرة والأراضي الصغيرة والشقق الصغيرة ..

ولماذا هذه بالذات ؟

لو قمت باستطلاع بسيط على هذه النوعيات التي ذكرتها ستجد أنها سريعاً ما يتم بيعها أو تأجيرها بخلاف المساحات الكبيرة وأيضا فإن الطلب عليها متزايد وذلك لرخصها أحيانا ولوفائها بالغرض.

ومطلوب منك أيضا ما يلي:

- وضع بنر إعلاني لموقعك في أحد المواقع النشيطة كجريدة الرياض أو جريدة الوطن أو غيرها من المواقع الإلكترونية

- وضع رقم جوالك للرد على الاستفسارات مباشرة أو توظيف من يقوم بالرد عليها

- عمل جولات يومية على مكاتب العقار لجمع البيانات وذلك بمعدل خمس إلى عشر مكاتب يوميا

- الحرص على تحديث الموقع واستبعاد ماتم بيعه أو تأجيره

وسيكون دخلك من النسبة 2.5 في المية من كل ما يتم بيعه
المشروع الثاني

مجموعة مكاتب تجارية ( هذا المشروع قد يحتاج إلى رأس مال 100.000 ريال ولكن دخله عالي جدا بإذن الله )

أولا : تختار لك موقع مميز في مدينتك ويكون عبارة عن مبنى ذي مساحة كبيرة في طور التشطيب
ثانيا: تخبر صاحب المبنى أنك في طور استئجار الموقع منه كي تقوم بتقسيمه وتأجيره كمكاتب تجارية
ثالثا: تذهب إلى مكتب هندسي ويقوم بعمل مخططات افتراضية للموقع كمكاتب تجارية بمساحات مختلفة
رابعاً: تقوم بتسويق هذه المكاتب ويتم الحجز بدون أية رسوم، وفي حالة وصول عدد من حجز لديك إلى أكثر من نصف المبنى فاعلم أن مشروعك بإذن الله ناجح
خامسا: كل تلك الخطوات قمت بها والمبنى لم يجهز، وهو الآن على وشك أن يجهز فتطلب من صاحب المبنى المواصفات التي ترغبها في التكييف والألوان وغيرها ويترك لك التقسيم الداخلي ومن ثم تعطيه دفعه من الإيجار على أن يمهلك فترة شهرين تقريبا لإتمام جمع الإيجار من المستأجرين ومن ثم تسديده.
سادسا: تبدأ في تقسيم الموقع بطوب أو جبسمبورد
سابعاً : تبدأ في التسويق الفعلي وتأجير المكاتب

ملاحظات:
احرص على مسمى جيد ومميز للمبنى
احرص على وضع حراسة ودورات مياة ومواقف سيارات وهذه تطلبها من صاحب المبنى
احرص على الأسماء المشهورة عند تسويقك للمكاتب

هذه فكرة قد تحتاج إلى تطوير أو تغيير وقد صغتها على عجل
الثالث

مشروع السبحة العطرية أو أي منتج يشابهها

1- تقوم باختيار نوع معين من السبح ذات الرائحة العطرية على أن تكون ذات جودة عالية
2- تقوم بتفصيل علبة خاصة بها تكون ذات شكل جذاب
3- تقوم بتفصيل استاند عرض لوضعه في المحلات التي سوف تعرضها فيه
4- تقوم بتوزيع عدد واحد استاند ويحوي 5 حبات من السبح في كل محل
5- تحتاج في البداية إلى توزيعه علىما يقارب من 50 محل تجاري
6- البيع يكون تحت التصريف ويكون هناك نسبة لصاحب المحل كما سأشرحه لاحقا
7- تقوم بزيادة عدد المحلات تدريجيا بمعدل محل واحد يوميا
8- تقوم بجولة يومية لتحصيل المبالغ بمعدل 5 محلات يوميا وكذلك تقوم بتغذية الاستاندات التي نقصت

الحساب التقريبي لرأس المال والربح:
قيمة السبحة مثلا= 5 ريال
قيمة العلبة= 2ريال
قيمة الاستاند= 10 ريال

5ريال × 1000 حبة = 5000 ريال
+2000 ريال علب
+ 2000 ريال استاندات
المجموع 9000 ريال

وتقوم ببيعها بمبلغ 30 ريال
و5 ريال للمحل في كل حبة
والصافي لك 15 ريال في كل حبة

15 × 1000 = 15000 ريال في الشهر الواحد
وهذا الدخل باعتبار انك بعت في كل محل 20 حبة لمدة شهر
ويمكنك زيادة الدخل وزيادة السرعة في الأرباح بتكثير عدد المحلات
المشروع الرابع

سوبر ماركت

المشروع في ظاهره عادي جدا ولكن ستجدون فيه بعض التجديد
والطريقة كالتالي:

- تشوف لك موقع في حي سكني مكتظ بالسكان
- تستأجر سوبر ماركت وتقسمه إلى الأقسام التالية:
= قسم الفواكه والخضروات
= قسم اللحوم والأسماك
= قسم المكسرات والعطارة
= قسم كمخبز إما آلي وإما مخبز عادي

وبعد ذلك تقوم بتأجير كل قسم على من هو متخصص في هذا المجال بمبلغ محدد شهريا
وأنت عليك التموينات الأخرى في السوبر ماركت

وتقوم أيضا بتأجير مساحة داخل السوبر ماركت على من يقوم بالتوصيل المنزلي وذلك باشتراك محدد شهريا

وبهذا سيجتمع لك الكثير من الفوائد ومنها :
- ما تهتم بمسألة الإيجار حيث إن دخل الإيجارات يغطي عنك أكثر من 80% من إيجار الموقع فمثلا لو إيجار الموقع 200.000 ريال فسيدفع لك قسم الخضار 40.000 وقسم اللحوم 30.000 وقسم المكسرات 30.000 وقسم المخبز 30.000 وقسك التوصيل 20.000
- ستجد كل قسم يبدع في قسمه
- ستخف عليك المتابعة

وعموما فهذه فكرة قابلة للتطوير الشخصي منكم

ان شاء الله يفيدكم منقوووووووووووووووول