السلام عليكم ورحمة الله وبركاته...
أخواني اليوم كان عندي مقابلة في البنك السعودي البريطاني في جدة... مع مدير عام خدمات التجارة... كانت المقابلة تمام التمام.. والرجل والاثنين الهنود الي معاه مبسوطين ومافي مشاكل.. شوية ويسألني السعودي...
تقبل انك تشتغل في الربا؟؟
قلتله كيف يعني؟؟
قال يعني انك تمسك الربا بيدك وتاكل حرام؟؟
قلتله هل عندي خيارات؟؟
قال ايه انك ما تشتغل في البنك أو انك تاكل ربا؟؟
قلتله لا ما اشتغل....
قال اجل دور شغل في مجال غير البنوك.....
قلتله طيب ليش البنوك مطلعه حملات اسلاميه.. وانتو عندكم قسم اسمه امانه الاسلامي..
قالي هذي كلها شعارات وفي النهاية كلها زي بعض، عموما راح نكلمك لو في شي مناسب..
طبعا انا خرجت وانا اغلي... لأنه وانا ماشي قالي ترا هذا كان سؤال خدعة.. علشان نشوف كيف بيكون ردة فعلك عن البنك... ما رديت وطلعت...
والله يا اني مقهوووووووووووووووووووووووووووووووووووووووووووور.. ..
وصلنا لدرجة يا تقبل الربا يا مافي شغل؟؟؟
لا ومكان الوظيفة في مكة.. يعني أشتغل في الربا في وسط بيت الله ... كأني أبو لهب....
سلام