المشاركة الأصلية كتبت بواسطة صعوباتي

بالنسبه لي سويت المقابله العام في جده

طبعا انا العام لمن اختبرت قياس ماكان في اختبار لنفس تخصصي واختبرونا تحت مسمى ( تخصصات اخرى )

المهم
لجنة الاختبار فيها ثلاثه
الاول قالي : لو انت صاف في بنك وجا واحد وترك الصف ودخل قدامكم اش تسوي
قلت اذا مايأثر عادي
قال واذا يأثر ؟
قلت اقوله في ارقام
قال واذا مافي ؟
قلت اتفاهم معاه
قال يعني تضربه ؟
قلت ياخوي انت ماتعرف تفاهم الا ضرب ^_^ ابتسم وقالي طيب لك في الرياضه ؟
قلت ايه المهم سألني عن رئيس الفيفا ورئيس الاتحاد الاسيوي وبعدها قالي شكلك فاهم بالكوره قلت على خفيف
قال طيب كم مساحة الملعب ؟ ^_^ قلت والله ياخوي ماجا ببالي احسب مساحته
قال طيب كم حجم الكوره ؟ قلت والله انا العب فيها ما اوزنها
هذا الاول كان يستخف دمه وبعدها قال لخويه انا انتهيت الحين عندك يا ابو محمد

المهم الثاني مطوع قالي لك في الشعر ؟ قلت على خفيف
قال شعر مين يعجبك ؟
قلت حامد زيد وسعد علوش وبدر بن عبدالمحسن وعايض القرني
قال المطوع مو شاعر عايض القرني << قام الي جنبه وقاله الا له قصايد
بعدها انثبر وسكت
قال طيب من من شعراء الجاهليه تعرف ؟
قلت امرء القيس << نسيت ان المطاوعه مايحبونه ^_^
بعدها قال انا انتهيت

وجا الثالث عاد حكايه
هو كل شغله تخصص سألني بالتخصص يمكن 10 اسئله
وشدد ف الاسئله اضن عشان اختبارنا في القياس مو بالتخصص

بعدها قالي الله يوفقك وانت كويس بالتخصص ودرجتك عندي ممتازه لكن مادري عن الاخوان
وادوني ورقه وقالولي توكل

وسلامتكم ^_^