حلول البطالة Unemployment Solutions - عرض مشاركة واحدة

العقيد بو سكر · #10 (**permalink**) 04-07-2011, 12:47 AM

اقتباس:

المشاركة الأصلية كتبت بواسطة محتاجك صديقي

السلام عليكم ورحمة الله وبركاته

شخباركم عساكم بخير

[bor=00FF00]
شسموه هذا ابيكم تساعدوني انا موعدي يوم الربوع هذا وخبرت ابوي ورفض يخليني اروح

يبيها في الرياض قلتله اهم محددينها في جده ترى كلها موعد ومقابله وخلاص قالي حتى ولو

افرض رحت هناك ومسكوك الباب وش استفدت الا ضياع فلوس قلتله الفلوس تعوض اما

الوظيفه ماهيب متعوضه خلني اجرب حظي ولو مره في حياتي واول مره انقبل والوظيفه ماهيب

دايم تجي بجنبك قالي انا ماعليك من خرابيطك وكلامك الفاضي واصلا العسكريه يبون طول وانت

مافيك طول افهم انت متى تصير ادمي مثل الاوادم قلت ياخي هالحين اتقولي دراسه لا والشركات

يوم اقدم عليها وماتخليني اروح وهالحين اتقولي عسكريه ويوم قبلوني تعيي قالي وعصب علي

وقال اقول وراك ما تنقلع عن وجهي بس انلقع لا اشوفك مره ثانيه تكلمني عن الوظائف وطلعت

من عنده ودمعتي تنزل ياخي قهررر جنني مو راضي يقتنع اني رجال يشفوني صغيرون قدامه

يحسبني صغير وماعرف شئ اقسم بالله يا عيال انو مايعرف كم عمري ومتى تخرجت ولا اي شئ

ولا هو مهتم هاملنا همل وكل يوم اقول هذا ابوي واتذكر بر الوالدين بس اذا بر الوالدين فيها

قطع الارزاق من حقي اني اسوي شئ مايرضيه واعصيه واخواني 3 متزوجين جونا العشاء

وقالو لي ابوي يقول لا تودونه خله ينطق وكمان يقولو بنعطيك فلوس وروح لهم يوم قلتلهم يالله

عطوني قام يصرفوني وش هالعائله الله يلعن العادات والتقاليد اللي يمشون عليها كل ماقلت شئ

قالو صغيرون وكل مافرحت ولو يوم واحد يحطموني وش اسوي افجر نفسي اصير ارهابي علشان

ترضون علي اقسم بالله اقولها من قلب اني ماتهنيت في حياتي مدام هذا الناس فكرهم كذا وش

ذنبي انا لما اجيه وفرحان وعلى قد نياتي وابي اخبره بقبولي يقعد يهاوشني

يالله عسى اللي حرمني من الفرحه تحرمه من اللي يبه

وتلموني يا عالم يوم اقولكم عن اللي في خاطري
[/bor]

واللهالعظيم يا محتاجك صديقي اني قريتلك اكثر من موضوع تتشكى من اهلك وان ابوك كن احاجرك بالبيت والله يشهد على كلامي اني مريت بنفس الظروف الي انت مريت فيها
ويشهد علي الله اني دعيتلك بامكه باالحرم دعوه خاصه لك ان الله يفرجلك همك ويسعدك