اقتباس:
المشاركة الأصلية كتبت بواسطة ال فرعون
ابقولك شي يمكن يفيدك
الرزق من عند ربي وماحد يعرض عليه اذا كتب لابني ادم الرزق
لكن طريقه عمل الورش كل متخصص يستأجر ركن بالورشه من المدير
يعني تحصل التنجيد له شغل خاص لحاله
وتحصل الكهربائي له ركن لحاله نفرض مثال الكهربائي يقدر يغير بواجي وزيت وسيفون
لكن لو يغيرها يتمشكل مع المكيانيكي لانه اخذ شغله
هذا اليماني تلقاه مستأجر ورشتين ومشغل فيها من ربعه مخالفين الاقامه بالشغل
مثلا فك اربع كفرات وبراغي الهوبات ياخذ عليها من المدير 10 ريال
والميكانيكي يكمل
انما يشتري عماره صعبه عليه يمكن يديرها ويأجرها ممكن لكن غيره لا بخلال هالفتره
لانه اليماني معروف اهم شي يطلع قيمه الهيلوكس الدبل والا جيب لو مستعمل وبعدها يفسق
بس انا قلت كذا لاجل لايغرر بك ويخدعك
|
اخوي صح كلامك وما احب ازيد عليه شيء
بس ابغى اوضح لك نقطه
انا ما ابغى منه شيء ولا هو يبغى مني شيء ولا بيننا اي شيء او اتفاق علشان يغرر بي ويخدعني
وقت الصدق اوديه البحر وارجعه عشطان ( تراني اعجبك )
لكن انا حبيت انقل لكم معلومه ان والله بلدنا فيه خير وخصوصا الورش والاشياء اللي لها علاقه بالسيارات
مثل محل قطع غيار او ورشه او محل كهربائي تبديل وبنشر او بويات وكذا إلى آخره
وبالنسبه للعماره صدقني حقيقي وهي باسم صديق لي يعطيه كل سنه 5000 ريال بس علشانها باسمه وانا من ضمن الشهود اللي شهدوا ان العماره باسم السعودي ولكن صاحبها وراعي الحلال اليماني
المحامي اخذ اتعابه 500 ريال مقابل يكتب له حقوق ملكيه ان حصل نصب او كذا
وعموما انا بذكرك ان كل ربعنا واهلنا يكدحون 20 سنه بعضهم يطلع فبيت يستره هو وعياله وبعضهم يقعد كل شهر يستاجر بمكان وكل شهر مطرود من شقه
وهذا طبعا مع السلفيات والمساعدات العائليه
ذا اليماني كيف قدر يمتلك ورشتين وعماره سكنيه
صح كلامك
اكثر اللي عنده مخالفين الاقامه علمهم الشغل ويعطيهم رواتب 1500 واقل بالشهر
وياخذ الباقي
تدري اقل ورشه اطلع باليوم 3000 ريال لأن اي قطعه تصلحها فوق 200 ريال
المهم اخوي كيف نسلك طريق المكانيكا انا بعد ماشفت اليماني صراحه حاشتني غيره الرجال، كيف هل هو فعلا ذكي وحنا حمير ام انه مبالي وحنا غير مبالين
انا موظف 4500 من استلم الراتب شيء احطه للايجار وشيء للثلاجه وشيء للاساسيات وبعده يبقى 600 ريال طلعه مع الاهل تروح 300 والـ 300 اللي بقن بانزيل حق شهر
انا قاعد افكر حاليا ادخل معهد بفلوس اتعلم المكانيكا وكهربة سيارات
ومستقبلا بفتح ورشه وانا اشتغل فيها بنفسي
مشكور وكثر الله من امثالك