اقتباس:
المشاركة الأصلية كتبت بواسطة محمّد
صح كلامك
طبعا هو دايما يجلس معانا
واكثر كلامه انه هو ذكي واحنا اغبياء
تفكيره ومعتقداته ان السعودي مايفهم وغبي ومايقدر يعيش من غير اجانب
مشكوره اختي
|
من حصل شي يستاهله وانا اخوك ... والرزق بيد الرحمن مو بيد السعودي او غيره ...
وفعلا هو يرانا اغبياء وهم الاذكياء سواء اليماني او غيره من اي جنسيه ...
ونحن فعلا كذلك .... ونستاهل انهم يصفوننا بهذه الصفه ...
لاننا تركنا لهم الارض .. وقلنا لهم امشوا في مناكبها ... وبمباركه منا نحن السعوديين ..
قلنا لهم خذوا تجارة الارض كامله واتركوا لنا الوظائف ... وان فتحنا مشروع ثاني يوم نأجره لكم
لاننا كسالى وما نبغى نتعب ...
ليش نحقد عليهم ونقول انهم يكرهوننا وانهم فيهم وفيهم ؟؟؟ ناس عرفت الرزق فذهبت اليه
وناس عرفت الكسل ونامت فقط نبحث عن وظيفة ومستعد يجلس عمره كله بانتظار الوظيفه
انت شفت صاحبك هذا اليماني .. لكن اظنك ما قرأت قصة البنقالي اللي في ظهران الجنوب او مدري بسراة عبيدة ... وكتب عنه احد الصحفيين
اخطبوط وما ترك محل بذيك المنطقة الا اصبح شريك فيه او يملكة بالكامل
تحويلاته الماليه خارج السعوديه تتعدى 6 مليون سنويا ....
احنا وين وهم وين ؟؟؟
صدقوني العيب فينا مو في الاجنبي ... احنا كسعوديين لو رحنا اي مكان اكيد بندور على رزقنا
يعني مو معقول اليماني بيتغرب ويجي السعوديه عشان يجلس يتفرج ...
مره اعلنت الامارات عن وظائف معلمين ... السعوديين قدموا عليها بشكل غريب ... لكن مافي احد قال اشمر عن ساعدي واشتغل ... اكيد الكل بيدور رزقه بأي مكان
هنا بالمنتدى كثير يطلبوا افكار ولما تعطيهم فكره يقولك كمان ابغى فكره ثانيه ...
وكأنك مستودع افكار تفصل له فكره على مزاجه وياريته يبدأ .. لا
بس ياخذ الفكرة وتلاقيه رد بموضوع ثاني يبحث عن فكره اخرى
ارجع واقول من حصل شي يستاهله وانا اخوك ..
والبلد تحتاج الي مثل اليماني لاننا كسعوديين رافضين نشتغـل ... او ماعندنا الجرأة للعمل الحرفي او التجاري ...