المشاركة الأصلية كتبت بواسطة اليساندرو

هذي المعلومات الى اعرفها خصوصا ً اني أكثر الى اعرفهم بالقوات الامن الخاصه ..
دورتها على حسب ، من 9 اشهر الى سنة كامله .. الاهم انك بفتره الاستجداد بتشارك بمهمة الحج .. تدريباتهم
بالميدان صعبه كثير وتقام بصلبوخ على طريق القصيم بالاخير كل سنه وبعد التخرج تشاركون بمناوره بوادي الحيسية يحضرها محمد بن نايف .. بالنسبة للصاعقه والقفز المظلي والقفز الحر تعتبر اختياريه بعد ما تتخرج من الاستجداد يعني اذا تبي تدخلها تضع اسمك ضمن المرشحين وبالمناسبة يعطون عليها علاوه ماليه تنزل بالراتب ..
طبيعة عملهم تختص بحماية الشخصيات ( الامراء - سفراء - الشخصيات المهمه ) وبالمناسبة في طبيعة عمل لحماية الشخصيات مثل حماية الفرد وحماية المنشأه يعني بعضهم يكون مرافق شخصي و بعضهم يكون بحراسات البوابه والقصور واحيانا ً المزارع للشخصيات الهامه // مكافحة الارهاب // سلاح المدرعات // التموين // الامداد // امن الطائرات // الشرطة العسكرية // الصيانة ..

الميزات للأفراد كثيره ، منها الشرهات الى بتوصلك من الشخصيات ، ومنها البدلات العاليه الى بتصرفلك منها بدل خطر و ارهاب وغيرها .. والأهم بيعرضلك سكن عائله بشقه بالمدينة السكنية الخاصه بأفراد قوات الامن الخاصه بأم الحمام او صلبوخ ..

لكن مثل ماذكرت دورتهم صعبه كثير ، والعسكريه عندهم صح مافيه لا يسار ولا يمين
يعني لا تتفاجئ اذا قوموك بعز نومك بقنابل صوتيه بالبركس وقالولكم تكميل بسرعه !