والله شي جميل ان نقاطع ., ونطالب ..,
خاصة الالبان .. بالله على اي اساس ترتفع ..
يعنى اغلبها بودرة وماء ..
يعنى بيقنعوا الشعب ان سعر البودرة ارتفع .

اذكر يوم ارتفع سعر البيبسي نص ريال ..
جالس اسولف مع بريطاني .. فقال لي ليش ارتفع سعر البيبسي ..
بجد انا مدرى وش ارد عليه .. !!
مدرى وش اقول له .. قلت مدرى بس يقولوا ان سعر السكر ارتفع
قال بس سعره في بريطانيا ماتغير .. وفي دبي نفس السعر ..
وجلس يسولف عن المجتمع البريطاني .. يقول لما تزيد شركة سعر منتج لها ثابت
نقاطع المنتج .. ونسوى احتجاج ع الشركة .. وتظاهر .. حتى تخضع للامر .. وممكن تنزل السعر اكثر من اول ..

حنا مشكلتنا ماعندنا حماية للمستهلك واعين ..
الشركات ترفع بكيفها .. بس يقرب الصيف .. ويشتد الحر ..
تشتد علينا الدنيا من كل جهة .. اسعار نار ..

واكثر من كذا مافيه شخص مختص من وزارة التجارة
يطلع ويقول لنا والله ياشعبنا العزيز ..
الشركة مثلاً تتعرض للازمة مالية ..
ودها انكم تساندوها .. بتزيد السعر ريال ..
الفزعة الفزعة .. كان اقل شي عندنا خبر ..

واكبر قهرر واللى غبنه ..
ويسبب لك حرق للكبد .. وتمزق للبنكرياس ..
ومرض العضال ..
انك لما تكون في بلد خليجي والاردن..
وتشوف احد منتج الالبان السعودي
اول شى تفتخر .. انه موجود .. ولكن المصيبة لما تاخذه ..
وتعرف ان سعره اقل من سعره داخل السعوديه ..

يخرب بيت ابليس .. ويخرب عش البلبل .. ابغ اسوى مقارنه مافيه مقارنه ..
يتعبوا على النقل . وعلى التعبية .. وعلى التبريد .. ومسافة طريق ..

ليش سعره اقل مقارنة بالسعوديه ..الاصل ان سعره يزيد هناك ..

لا احد يجي يقول عملتهم اقوى من عملتنى .. انا اقول اقل بكل المعاني .. حتى مقارنة بالعمله ..
السبب ان عندهم حماية للمستهلك صاحين .. وحنا عندنا بس نايمين بالعسل ..

الكلام يطول ..
بس يارب ماتصير مثل اخواتها
حق الدينمارك
وخلوها تصدي
وخلوها تخيس ..

يارب الشعب يكون واعي .. لجشع التجار ..

وكل امنيانتا ان القيادة تلفتت .. لتجار .. وتضرب بيد من حديد ..