اللي يقول يبي السالفه من طقطق الى السلام عليكم
طقطق تجي عند البوابه تنتظر شوي يجي باص ياخذكم يوديكم ملعب توصل الملعب ياخذ بطاقة الاحوال يسجل اسمك ورقم الهويه
بعدين يقيس الطول والوزن يسجلها في الورقه
بعدين تلف ع الملعب لفتين يسجل في نفس الورقه كم استغرقت في اللفتين
وياخذ الورقه بعدين يتاكد من الاسماء و يدخلوكم صاله يجلسوكم اللي يجي بدري يدلعونه عصير ماء سندوتش اللي يجي متاخر ينطق المهم ينادو بالاسماء ويعطيك نفس الورقه تكمل بياناتك منها تكتب رقم الطلب
ويعطيك ورقه ثانيه تكتب رقم الطلب واسمك والمنطقه اللي ترغب فيها
بعدين تدخل ع النقيب يوقع ع اوراقك وياخذها و تبقى ورقه معك فيها توقيعه وفيها الطلبات في حال القبول النهائي
المهم يقول تراجع الموقع بعد تقريبا اسبوعين اذا نزل اسمك تروح نفس المنطقه اللي قلت انك ترغب فيها وتجيب الطلبات اللي مكتوبه عندك في الورقه بعدين تطلع الباص ويرجعك عند البوابه وبس السلام عليكم ورحمة الله وبركاته هذي هي من طقطق الى السلام عليكم
ملاحظه :
تجيب صوره من الشهاده
صوره من بطاقة الاحول
صوره من كرت العائله
نصيحه تجيب جزم وانتو بكرامه فيه ناس واجد رجولهم وانتو بكرامه راح فيها ما يقدرون يمشون ع رجولهم
اللبس عادي اي لبس عندك
اللي شعره طويل مو لازم تحلق
مـــــــ ـــوفقين