عرض مشاركة واحدة
  #27 (permalink)  
قديم 06-07-2011, 12:05 PM
الصورة الرمزية راحتي في طاعتي
راحتي في طاعتي راحتي في طاعتي غير متصل
عضو ماسي
 
تاريخ التسجيل: Apr 2010
المشاركات: 1,428
معدل تقييم المستوى: 2796282
راحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداعراحتي في طاعتي محترف الإبداع

اقتباس:
المشاركة الأصلية كتبت بواسطة البطالة فنون مشاهدة المشاركة
بالنسة للأخوان أقصد اللي خالفوك الرأي فقط
أما أبو طق حنق فالله يهديه على هالكلمة ..

عموما ً
اناااقصد اني ماني عارف مجتمعي اللي انا فيه وش يبي
ولما قلت مجتمع يستهزأ بالمبدعين والغير مبدعين اقصد
انه فعلا حتى الشخص الناجح يستهزؤون فيه
وهذا مايعني انه يهمني كلامهم ..
بالعكس انا مؤمن ان الشغل ماهو عيب والناس تبي فلوس وبس

اذا بياع المخدرات (بمجتمعنا) يزوجونه فما بالك براعي الأسكريم والمسابيح

مقصدي
ماني عارف كيف ابدأ
ايش اسوي
ماهي الأشياء المرغوبة
+
الخوف من الفشل وانا ماني على بنك عشان لوخسرت يمكن ارجع اربح ..

شكرا ً
مجتمع يهزأ بالغير مبدعين فهمتها
لكن يهزأ بالمبدعين خير أن شاء الله مدري وش يبون صراحة ؟مع اني اشوفهم يرززونهم بالقناة الأولى

طيب أخي طالما انك مقتنع ان الشغل مش عيب و عندك رغبه أنك تتحرك هذا بحد ذاته بداية الطريق الصحيح
وسيّر
هنا
قسم مشاريع وأفكار
وهنا
تنمية المواهب وتطوير الذات

أستعن بالله وأول شيء تفكر فيه أنك تختار المكان والوقت والمشروع المناسب

يعني مثلا مثلا موب تفتح مشروع كشك لبيع عطور وبخور
ولا تفتح محل كومبيتور زي هذي مشاريع ميته وإذا فشل المشروع نقول عطونا عين أو حظنا نايم أو ربنا ماوفقنا طيب الواحد موب مفروض يفعل السبب ؟
خطط واختار الوقت والمكان المناسب وأستشر أهل الخبرة واعمل دراسة جدوى أقتصادية ابحث عن مشاريع عليها أستهلاك بشري يومي ولايستغنى عنها الناس
وبمكان فيه كثافة عددية يعني بحديقة بسوق بمنتزة أضمن للنجاح وأكبر ربح وخصوصي بالويك إنك بتشوف الإقبال على أصوله
عندك مثلا من المشاريع اللي أشوفها مرشحة للنجاح بعد توفيق الله وبرأس مال يكاد لايذكر

عربة ذرة وبطاطس
طباعة البحوث راس مالها طابعة وورق وكمبيوتر
تسديد وتجديد الرخص
دلاّل
مدرس خصوصي
نقل معلمات


أنا تخصصي إدارة والحمدلله تجيني فرص يوميا بدون مبالغة لكن أغلبها أختلاط او بعيده أو شفتين وصارت ظروف فماجا النصيب لسا
وكنت أخذت دورة بوربوينت وفوتشوب كل وحدة ب 100 ريال لما كنت أدرس بالجامعة
الحين مالايقل عن 3000 آلاف دخلتها في أقل من سنة من يوم بديت وزعت طبعت أوراق أعلان ووزعتها بالجامعة وشيء فشيء
كل قروب يعطوا رقمي لقروبات غير في برزنتيشاتهم
+بنرات وتصاميم وتواقيع وبدون أي راس مال يذكر جهازي وعندي والشغل ارسله بالإيميل أو لو كان طويل ارفعه والفلوس تتحول
مع أن أهلي طوال الوقت وش لك بهالشغل منتي محتاجة وأي حاجة تعورني ع طول شكلهم عطوك عين وووو لكني صامده وودي لو كنت أقدر أسوي حاجة أكبر من كذا
ولدي القدرة وقبول الأهل على أكثر زي مدرسة خصوصية أو او ماكنت تأخرت

تذكروا الحركة بركة وانتوا شباب تقدروا تطلعوا وتتصرفوا يعني المجال أمامكم مفتوووووح ع الآخر والواحد بدون طموح وعقل يشغله
حياته بتصير ملل وكآبه وروتين وكلامي للي يبي يترزق الله وماتوظف بعد ,واللي يبي يزيد دخله
السماء مارح تمطر ذهب لمتى والإنتظار أو التردد أو تضييع الوقت والفرص
مارح يأكلك عيش هذا كله



لاتنسوا
رضا الله والوالدين والتوكل على الله أولا وأخيرا والإستغفار والدعاء والصدقة وقيام الصباح و الإستخارة ولا تنسوا أيضا أنه لا تزول قدما
عبد يوم القيامة حتى يسأل عن أربع عن عمره فيما أفناه ؟ وعن علمه ماذا عمل به ؟ وعن ماله من أين اكتسبه وفيما أنفقه ؟ وعن جسمه فيما أبلاه ؟!

بالتوفيق لنا ولك وللجميع

اللهم ان كان رزقنا في السماء فأنزله وان كان في الأرض فأخرجه وان كان بعيدا فقربه
وان كان قريبا فيسـره وان كان
قليلا فكثره وان كان كثيرا فبارك لـنا فيه

التعديل الأخير تم بواسطة راحتي في طاعتي ; 06-07-2011 الساعة 12:33 PM
رد مع اقتباس