المشاركة الأصلية كتبت بواسطة البطالة فنون

والله يستهزؤون بكل شيء انا رجل واجلس معهم
لايعجبهم شيء
مجتمع يحبط ويكسر المجاديف ومايرحم
والحمد لله ماذليت نفسي لا لهم ولا لغيرهم .. ولاتهمني رحمتهم ..الرحمة من الله ..

انا من اليوم ادور فيها لأني من عرفت المنتدى مادخلتها
كنت شايل الفكرة من راسي
لكن صار لي اسبوعين مخي بدأ يشتغل اكثر واكثر
ومواعيد الوظايف كسرت ظهري ..
والعمر صار يركض ركض لابيت ولازواج ولا وظيفة ولا سيارة ولا أرض ولا قرض ولا شيء

ماراح افكر بهاذي المشاريع ابدا ً لأني اعرف منطقتي ماينفع معهم هالشيء
وكلاسيكيين بجنون
يعني لو فتحت محل جوالات في افضل شارع عندنا ماراح يجونه
لازم يروحون للشارع اللي متعودين عليه ..

البطاطس والذرة اعجبتني وغير مكلفة بس لازم اشوف
خطواتها مثل التصريح ومدري ايش ..
طباعة البحوث اعجبتني جدا ً
وكذلك نقل المعلمات < لكن يبي لها راس مال يجيب سيارة مرتبة وتجمّل ..

شيء جميل
للعلم انا لي في الصوتيات والريميكسات وشاعر بعد يعني ممكن استغل هالشيء بالأفراح ..
ولي في المونتاج ولي قنوات شهيرة نوعا ً ما في اليوتيوب
وقد استغل هذا الشيء
الفوتوشوب كنت شبه محترف لكن تركته من زمان والحين يادوب امشي اموري فيه ..
لكن لي شهور ماسويت شي وتبلدت عندي الأفكار

والله اني انتظرت لين انهبلت وصابني اكتئاب حاد بسبب المواعيد والكذب
ومشكلتي اني اهون المصيبة على نفسي حتى تدهورت
لكن من اسبوعين احس تفكيري تغير مدري ليش !!
اسأل الله ان يكتب لي ولكم الرزق والستر والصحة
ويمكن يجي يوم اكتب قصتي ونجاحي .. من يدري
شكرا لك