نسيتـنـي علمـنـي وشـلــون ابـنـسـاك
في هالزمـن نسيـان الأحبـاب عـادي
شـلـون لأمــرت عـلـي الـبــال ذكـــراك
وطيـفـك ســرق مـنـي لـذيـذ الـرقـادي
وشلون لاقالوا لي الناس وش جاك
مــن كـنـت فــي لــذة منـامـك تـنــادي
شـلـون أعـيـش الـلـي بقـالـي بـلـيـاك
لامــــن غـديـنــا كــــل واحــــد بـــــوادي
لو قلـت أداوى جرحـي اللـي تباطـاك
مـاكــل جـــرح يـفـيـد فـيــه الـضـمـادي
أعـلـنــت حــبــك لــيــن كـــــلٍ تـمــنــاك
غلطه وغيـري مـن خطـاي استفـادي
لـولــي مـثــل قـلـبـك تـمـنـيـت فــرقــاك
واكـيـد قـبـلـك بالـجـفـا صـــرت بـــادي
حــلـــوه عـذاريــبــك وحــلـــوه مــزايـــاك
حـتــى بـيــوم فـــرا قـنــا كـنــت هـــادي
كــن الليـالـي ودهــا تـكـسـب رضـــاك
وآنــا يـطــول مـــع اللـيـالـي جـهــادي
فــي ذمـتـي مـاهـي غريـبـة خطـايـاك
مبـطـي وقـلـبـك لـــو تنـبـهـت غـــادي
سهله علي من كان مثلـك وشـرواك
مــثــل الـثـيــاب يـغــيــرون الـمــبــادي
عـلـمـنـي اكــــره ذكـريــاتــك وطــريـــاك
وانسـى مـن الليلـة صـدوق الـودادي
ولانــي بقـايـل عقبـهـا ويـــن ابـلـقـاك
راضـي ولـو إن جـروح قلبـي جـدادي
وإلا القـصـايـد جعـلـهـا مـــن فــدايــاك
لبـسـتـهـا مـبـطــي ثــيــاب الــحـــدادي
باكر علي المخطي يدورون الأفلاك
ونشوف مـن يصعـب عليـه البعـادي