السلام عليكم
حظـي فهقـنـي وانــت حـظـك تـعـداك
وفكـرك غلبطـنـي وادعــي بالفهـامـه
عنـيـت نفـسـي يــوم حـظــي تـمـنـاك
يــوم الـوفـا يـمـك لـبـس لــه عمـامـه
مـديــت يمـنـايـه ومـديــت يــســراك
كـنـي عـــدو لـــك وتـبـغـى أنتـقـامـه
مــا كــن بــه يــوم تخـاويـت ويـــاك
ولا كــن بــه عـيــش كلـيـنـا ودامـــه
ولا كـن بـه صـوت مـع الليـل نــاداك
يسـري لجـل شـوفـك ويـتـرك منـامـه
بالله قـلـي مــن بــذا الـطـبـع ربـــاك
وخـــلاك خـايــن لـلـوفـا والشـهـامـه
تكـوي كـفـوف قـبـل عامـيـن تـرفـاك
وتـبـوق قـلــب مـعـلـن لـــك سـلامــه
روح تـرانـي طـايـب النـفـس مـابـاك
حكـم طـغـى مــا عــاد ينـفـع نظـامـه
لاتقول وش صابك ولا اقول وش جاك
حـسـابـنـا ويــــاك يـــــوم الـقـيـامــه
للشاعر / سعد مشعل السبيعي