اقتباس:
المشاركة الأصلية كتبت بواسطة مهندس فريش
أخوي ( الهيئة ) عندي سؤالين يا ريت تجاوبني عليها :
1- بالنسبة لوظائف المهندسين (مثلا" وظيفة : محلل تطوير تكاملات خدمات)هل ياخذون نفس الراتب اللي ذكرته سابقا 8060 ريال قبل خصم التأمينات ؟ لأنه أتوقع بالنسبة لمهندس هذا الراتب قليل مقارنة مع الشركات الأخرى؟
2- في برنامج تمليك المساكن هل أنا أختار أي فيلا وأدفع 30% من قيمتها ؟ أو هناك شروط وقواعد محددة بالنسبة للفلل؟
ومشكور على كل جهودك معانا يا غالي.
|
1- ياخدوا نفس راتب الإداريين في البداية فقط ولكن ترقياتهم كل سنتين فتلاقي المهندس ينمو راتبه اسرع من غيره والنظام في الهيئة يركز على المهندس فيعطيه دايماً اعلى من الاداري في كل شي
وتحاول الهيئة دايماً ترفع مزايا المهندس لأنو عليه تنافس
2- برنامج تمليك المساكن أول ماتتعين ينحط اسمك تلقائياً في قائمة الانتظار لإستلام الوحدات السكنية, على حسب إذا كان المشروع منتهي تستلمه مباشرة وإلا تنتظر من سنة إلى ثلاثة سنوات وبعدها تستلم , عند الإستلام يكون لك عدة خيارات اربع نماذج للفلل والدبلوكسات تختار بينهم على حسب المتوفر وتختار الحي والمكان , وإذا كانت الخيارات محدودة بالنسبة لك تعمل "باس" فيخلي اللي كانوا بعدك بالدور ياخدوا مكانك وتنتظر المشروع القادم فتكون الأول في القائمة التالية عشان تكون لك خيارات اوسع. بعد الإستلام توقع عقد التمليك وتبدأ تسدد كإيجار منتهي بالتمليك شهرياً رسوم رمزية مقارنة بفيلا تبدأ من 500 إلى 2000 ريال على حسب نموذج الفيلا, وبعد مرور 8 سنوات أو 10 سنوات (من تاريخ التعيين) تستطيع تملكها في 8 إذا كنت تبغا تستقيل أو 10 إذا كنت على رأس العمل , يعطوك وقتها خصم للسداد المبكر ويخلوا مجموع المطلوب 30% من سعر تكلفتها اللي يوصل لمليون ريال او اكتر , فيكون عليك تقريباً المجموع 300,000 ريال , فيتم احتساب مجموع ايجاراتك وتضيف عليهم بعدها مبلغ اللي يكمل 30% من المجموع ويصدروا لك صك ملكية وقتها تقدر تبيعه بأربعة أضعاف المبلغ اللي اشتريته, والحي طبعاً وقت الإستلام يكون لسه جديد ونظيف والمخطط له بنية تحتية على أعلى مستوى ومدارس لكل حي ومركز صحي وتجاري وجامع وحدائق
بالتوفيق