بسم الله الرحمن الرحيم

صبآح القبول والكشف الطبي

اليوم سويت الكشف الطبي في مستوصف قوى الامن الداخلي بالدمام

الساعة 8 اعطيناهم الاوراق حقت الكشف الطبي اللي اخذناها امس

وبدأو ينادون بالاسماء

تدخل اول شي عند طبيب النفسيه ويسألك : تعاني من امراض نفسيه ؟ قول لا , ويكتب سليم

وترجع برا

وينادون اسمك مرة ثانية وتدخل تفصخ ملابسك وتبقى بالسروال القصير

وتبدأ مراحل

1- الطول والوزن
2- العيون < الاختبار العادي اللي هو لوحة ويقول لك وين متجه الحرف ؟ + اختبار عمى الالوان تقرأ رقمين ثلاثه عنده
3- اختبار الباطنية < يضغط على بطنك بيده كم مرة ويحط السماعة على صدرك
4- اختبار الجراحة والاذن والاسنان > كلها دكتور واحد . يقول لك فصخ السروال وخذ لفة ( يكحل شوي ويقول البس ) خخخخ
ويقول افتح فمك يشوف اسنانك , ويشوف اذانيك < في ناس قالو لهم روح نظف اذنك وتعال بكره اوقع لك سليم
5- خلاص عاد تطلع تلبس وتروح للأشعه > غرفة ثانيه تسوي الاشعه
6- الدم والبول اكرمكم الله

وخلاااص يقولون لك الله يستر عليك تعال بعد يومين خذ النتيجة


يا اخوان , اهم شي تجيبون ورقة الكشف الطبي اللي اخذتوها امس + بطاقة الاحوال + صورتين شخصية

وترى سهالات بس الله يعينكم على الحرر والانتظاار

والله يوفقكم وفالكم القبول جميعا , وانا معكم