اولا مبروك التخرج
ثانياً كوجهة نظر لك انك تاخذها او تتركها على راحتك...اعتقد ان الافضل لك تبحث عن وظيفة افضل من انك تكمل ماستر لان اغلب الشركات تبحث عن الخبرة يعني ايش يفيد ماستر ومامعك خبرة كذا تفكيرهم.وبعد اذا حاب تاخذ ماستر ادارة اعمال ترى صعب القبول لان الناس هابة فية ففيه تنافسية كبيرة اذا معدلك مو مرتفع ولامعاك واسطة احس صعبة.
بماانك خريج جديد ابداً لاتنحرج انك تقدم السي في من دون دورات عادي اهم شي قدم بكل مكان وخذ دورات وكل ماخذيت دورة رح وحدث السي في حقتك في الاماكن اللي قدمة عليها.توظف باي وظيفة ولو بارت تايم اهم شي ماتروح عليك الايام وانت قاعدعشان اذا جو يعملون لك مقابلة مايقولون ليش جلست من دون وظيفة راح يحسون ان فيك تكاسل وبعد حتى تجمع فلوس لدورات.
الدورة الاهم في سوق العمل ولتخصصك بالذات هي الانجلش .وبعد في دورات خاصة للادارة الاعمال بس صراحة ناسية اسمها حاول تبحث عنها.فيه اماكن تقدم دورات قصيرة (ادارة الوقت-والتطوير الوظيفي-دورات تطوير الذات)مجانا مثل اكاديمية العثيم ويمكن فيه اماكن غيرها.اذا الله رزقك بالوظيفة اللي تتمناها وثبت وضعك ممكن تطلب من عملك تفرغ وتدرس ماستر او تاخذ ماستر موازي او ابتعاث خارجي.
وبماانك من جامعة فيصل فحتمال انك تكون من سكان المنطقة الشرقية وعندكم شركات ماشاء الله مثل سابك ارامكو-حديد وغيرها بعد قدم على البنوك بس الغير ربوية والهيئات مثل هيئة سوق المال وهيئة الاستثمار-هيئةالسياحة -هيئةالاتصالات- قدم على المستشفيات مثل الحرس والعسكري .
وضع السيفي تبعك بمواقع التوظيف
مثل بيت دو ت كم وغيرها .
انت طلبت اننا نجاوبك بناء على خبرتنا وانا جاوبتك بناء على الشي اللي لو الزمن رجع فيني كان سويته
موفق باذن الله.