بسم الله الرحمن الرحيم
صحيح ان مشاركاتي في هذا المنتدي لا شي يذكر بس كنت من اشد الناس متابعه لما تكتبون
بدايتي في مشروعي كانت قبل ثلاث سنوات والى الان مستمر فيها ولله الحمد
مشروعي كان تقسيط اي شي مكيفات - بطاقات سوا - ثلاجات - جوالات - اجهزة كمبيوتر - اي شي
اشتري السلعه كاش واخليها عندي وابداء ادور لها عن اي شخص يشتريها مني اقساط ميسره بشكل خيالي وفايدتي كانت في البدايه 30%
شوي شوي والحمد لله صرت معروف بين الناس تقريبا
صح فيها تعب شوي بس ما فيه ترى رزق الا بتعب الى بيفكر انه بيصير مليونير بيوم وليله نصيحتي له لا يتعب راسه ويفكر
طبعا فيه كلمة اثرت في حياتي وهي
وسع على الناس يوسعها الله عليك
صرت ما اخذ ابد قسط رمضان لاني اعرف الناس شلون تصير احوالهم
الى ما يقدر يدفع مثلاا دايما اقوله دق علي وكلمني قلي الشهر هذا مقدر
اصبر عليه للشهر الثاني ما عندي اي مشكله
طبعا اكيد لازم يكون فيه ضمانات
اهم شي ان الشخص ما يحط في باله انه بيكون غني على طول
المشروع هذا ينفع للبنت وللرجال
اي شي حولك قسطه لا تفكر ابد متى بيرجع لك راس مالك ابد او وش الفايده الى بحصلها
سبب دخولي في مجال التقسيط
صرت اشوف اي مبلغ يجيني يطير مدري وين يروح
صرت اقسط اي شي لا تستحقرون اي شي
اهم شي النيه الصافيه وعبارة وسعها على الناس ربي يوسعها عليك
والحمد لله الى الان مستمر في مشروعي صار اي قرش يجيني على طول اقسطه ما اخليه دقيقه عندي وزي كذا لحد ما صار يجيني مبالغ شهريا كنت في البدايه استحقرها بس زي ما يقول المثل ريال على ريال تطلع الف باخر شي
طموحي من هذا المشروع وهدفي
اولاً : بناء منزل لي ولابنائي
ثانياً :: تسديد جميع الديون التى علي "الحمد لله ليس علي ولا دين"
ثالثاً :: المقوله التى سمعتها والى الان تتردد في اذني
اتمني للجميع التوفيق والنجاح