سلام عليكم ...

جزاك الله خير يافتى على ردك وتعبك في الكتابة والله لايحرمك الاجر . وبعدين ياخي من بغى الدح مايقول اح ولا انا غلطان .

نجي لكلامك :

موضوع الاستقدام الحين حنا متفقين على ان الموضوع موب صعب بس يبي ارادة وشخص جزوم .. والفكرة ليست محصورة على اندونيسيا ممكن تنفيذها في اي دولة يتم الاستقدام منها .

اذن مانعيد ونزيد فية مادام الفكرة اتضحت واللي يبي ينفذ يتوكل على الله ويستخير ويبدا . وممكن يستفيد الانسان من خبرتة او خلفيتة

مثلا شخص عندة خلفية عن البناء والدهانين والمليسين يقدر يستغل هالشيء ويتخصص في استقدام عمال البناء

المهرة وبذلك يكسب ثقة ومصداقية عند شركات المقاولات ان فلان شغلة زين ويتنقى العمال نقاوة .. الشخص اللي عندة خلفية في السمكرة والدهان

ممكن يستفيد من هالشيء ويتخصص في استقدام سمكرية ودهانين وكهربائيين جيدين وبالتالي حقين الصناعية مجالد علية كلن يبية يشوف لة عمال .

اللي دارس معهد صحي ولا اشتغل في مستشفيات يستغل هالشيء ويصير متخصص في الممرضات والفنيين .

زوجة راحت مع رجلها وعندة خبرة في الخياطة او الشعر او الماكياج تصير متخصصة في عاملات المشاغل .

يعني الزبدة : خبرتك او خلفيتك استفد منها في تنفيذ الفكرة .


وعدد مكاتب الاستقدام كبير وشف هالاقتباس من احد الاخبار من جريدة الحياة :

قدر عاملون في قطاع استقدام العمالة المنزلية بالسعودية تكلفة استقدام العاملات المنزليات بـ 840 مليون ريال سنوياً موزعة على 382 مكتبا للاستقدام، . انتهى الاقتباس

يعني 840 مليون فقط من الخادمات اجل كم بيصير التكلفة من التخصصات الاخرى.

معناها فكرة مربحة جدا بس لازم صبر وطول بال .

مايحتاج نذكر راعي الفلة والسهر لايقرب من هالمشروع لانة بيخسر من قبل مايبدا



بالتوفيق للجميع ...