اذا كنتي واثقه من منتجك وله طلب دائم فانصحك تستأجرين محل وتجيبين سواق صدقيني الشغله ما تكلف اكثر من15000
الى اذا كنتي ما تقدرين على 15000 فخليك على شغلك مع المحلات الثانيه

واذا قدرتي اقولك كيف اول شي تخذين محل صغير ما يتجاوز مساحته 30 وتجهزينه تجهيز بسيط مكيف وبويه بس ما يخذ 1500 بالكثير وتنهين اجراءات البلديه وهي سهله بعدين تشرين لك ثلاجه عرض سعرها مستعمل 2000 ريال الى 2500 تشيل تقريباً 10
الموقع مو مهم اهم شي تسوين لك دعايه بين زميلاتك وتسوين برشور اعلاني وتوزعين على مدارس البنات على المعلمات وفي اماكن تجمع النساء سوى في متنزهات او مهرجانات وبس
وكلامي مهو تحطيم بلك بل تحفيز للتحركي أن شاء الله ما تخسرين في ذا الزمن اهم شي ثقتك في نفسك وثقتك في المنتج الباقي يجي ..
والحمد لله تقولين عليه طلب بكثره اجل مبروك انتي نجحتي في مشروعك وأن شاء الله بعد سنه تنافسين اكبر محلات الحلويات في جده بالطعم والسمعه
الله يوفقك