الله يجزاك خير اخوي
بصراحة موضوع الشراكة هذا انا ما افكر فيه نهائيا
طيب بالنسبة لموضع الكوفي شوب ..
انا شفت موقع بمخرج 10 - صراحة المكان راقي وحوله خدمات كثيرة
لكن الايجار نار - 300 ألف في السنة 
وش رايكم بالمكان ؟ وهل تقترحون علي مكان ثاني يكون ايجار ارحم شوي
انا عرضت الفكرة على الوالد .. لكن كان تخوفه الاساسي من اني مااقدر انافس المقاهي الكبيرة
مع ان عندي افكار كثيرة ومميزة ناوية احطها بحول الله
+ مشكلة العمالة
يقولي الوالد العمالة يحتاجون احد يتابعهم باستمرار ابوي مايقدر بحكم ظروف عمله
انا قلت باحط مثل المشرف عليهم واخلي والوالد واخوي يطلون عليهم من فترة لفترة ..
وبغيت اسال هل فيه نظام محاسبي او من اله الكاشير مثلا اقدر اعرف بالضبط المبالغ واتاكد انه ما حصل سرقة من العمالة او تلاعب ؟
وش رايكم ؟ لا تبخلون علي باي معلومة او نصيحة او مشورة
وجزاكم الله خير وبارك لكم