السلام عليكم ورحمة الله وبركاته
بسم الله الرحمن الرحيم ابداء موضوعي : الموضوع يتكلم عن اختي التي لديهاا 5 عيال
3 اولاد و2 بنات
اكبر واحد فيهم يدرس في ثاني ثانوي عمره 15 سنه
والثاني في 2 متوسط
واصغر واحد عمره سنتين ونص لساء مادخل مدرسه
والبنات وحده تدرس في 2 متوسط ووحده تدرس في 4 ابتدائي
ابوهم كان رجل متدين ربي يشفيه صابته جلطه
اختي: تعتبر زوجته الثانيه
عنده زوجه اولا عندها تقريبا 4 عيال و5 بنات
كلهم كبار فيهم واحد بس موظفف
والباقين مخلصين الجامعه
__________________________________________________ ___
زوج اختي جاته جلطه وشلل نصفي: الزوجه الاولى ماهي على ذمته مطلقها
واحد من عيالها تخرج من الجامعه قسم قضاء وجلس كل يوم يمتحن اختي
ادمي يستخدم النشوق ( الشمه ) : جا مره وهدد اختي وقال والله دام انا عايش لاطردك من البيت
بس اصبري علي عيالها صغار والا دمي متخرج بكلريوس من الجامعه قسم دين وامتحن اختي
_________________________________________________
الحين الولد هذا اعطوه اعاله على ابوه عطاه القاظي من المحكمه لان ابوه مشلول ربي يشفيه
عطاه اعاله ويتصرف على كيفه في راتب ابوه جلس مده يعطي اختي 8000 ريال من الراتب
وهو ياخذ تقريباً 15000 ريال لان راتب ابوه كان ماشي والقاظي راضي بشي هذا
__________________________________________________ ___
الحين ابوه احيل لتقعد خلاص صاير يعطي اختي 5 الاف ريال وياخذ الباقي كله فوق13 الف ريال وهو اصلن عمره فوق 35 عاماً؟ هل يحق له انه ياخذ من معاش ابوه او لا وكيف الطريقه الحين
اخوانه الصغار مساكين بالمدرسه يحتاجون ادوات مدرسه اختي زوجها عندها تقوم بتنظيفه اكله ابر علاجات مفارش واشياء كثيره رحنا انا واخوي للقاظي طردنا قال لاخوي اطلع برا
وانا يوم جيت اتكلم قالي لا تكلم
الادمي ياناس تكفون متخرج من الجامعه قسم دين وهما القضاه منحازين لصفه
__________________________________________________ ___
ادمي امتحن اختي وعيالها بنفسه ماغير يتكلم من راس خشمه وينفخ عليهم واشتكاء اخوانه والله العظيم جاب لهم الشرطه يقول انهم مايصلون؟ وهو كسر الصلاه والله اني اروح عند اختي اقسم بالله مايطلع الا مغرب وعصر بس
وباقي وقته جالس بالبيت
__________________________________________________ _______
استفساري الحين ياخوان التقاعد بينزل؟ وهو يقول ابي ارمم فيه البيت وهو نصاب يبي ياخذ التقعد ويسوي دور ثالث لانه يبي يتزوج فيه فكيف الطريقه عشان مايصرف حاجه من التقعد
وكيف الطريقه عشان نوقف الادمي هذا عند حده تكفون ياهل الخير والله العظيم ورب الكون اختي كل يوم ونفسيتها تتعب انا مادري كيف
وظعنا المادي زفت وانا ماني بموظف لو موظف والله لا طلع قرض واوكل محامي الادمي هذا ظالم والقضاه كلهم منصفين له ويسمعون كلامه ويسوي الولد هذا اشياء بكيفه
______________________________________
والا دمي عمره فوق 35 سنه واخوانه كلهم تجاوزت اعمارهم 27 سنه اللي من امه
وهذواا صغار والادمي شكيناه بالقسم مرتين ولا جانا رد حتى
قالو طيب في القسم وكتبنا اوراق ووقعناها ولا نفع ولا حتى سووله شي الا دمي يعرف ناس
وواصل
ماقول الا حسبي الله ونعم الوكيل حسبي الله على الظالم
__________________________________________________
حتى اختي طلبت القاظي خدامه قالت اتعب في البيت قال مافي ولا خدامه قومي بزوجك وعيالك والله العظيم ورب الكون فيها حاله مايعلمبها الا رب العاالمين
وقبل مده جايب خدامتين عنده واسائلهم من جابكم قالو محمد تكرونيات
بكم الشهر قالت كل وحده 1500 ريال؟ طيب الولد مو موظف من فين جاب الفلوس هذي
واختي اللي تشتغل وتكد وتتعب وهو مريح ماعليه يجي كل عصريه
يجلس ساعه معا ابوه ويظرب الباب فالله يوفقك كل شخص يدخل ويفيديني بحاجه او يرسلي محامي على الخاص
والله العظيم لو اتووظف ورببيي يرزقني بعمل لا عطيه حقه
ولو يبي اكتب على نفسي ورقه ان له مبلغ عندي ويجيب شهود انا مستعد
بس اختي ينزاح الهم اللي على قلبها من الادمي هذا
حتى الوكاله رحنا للقاظي قلنا مانبي وكالته؟ قال مو بكيفكم هو وكيل ابوه واخوانه قلنا اخوانه الصغار ماييبونه قال مالهم اي كلام لازم يكبرون
وش هـ الظلم والله ماعد ادري وش اسوي نزلت استفساري بالمنتدى لعلي القى عند اهل الخير حل