اقتباس:
المشاركة الأصلية كتبت بواسطة خريج حاسب عاطل
[align=center]السلام عليكم ورحمة الله وبركاته [/align]
بدخل فالموضوع على طول وابغى منكم الحل وشكرا........
انا عمري 29 تخصصي حاسب الي (بكالريوس)
قدمت على وزارة الدفاع وجاني قبول مبدي مع العلم اني (صغرت عمري وقت التقديم)
يعني خليته 27 غصبا عني انا قدمت عليهم مرتين قبل لا يصير عمري 29 ولاقبلوني مبدئي
وهذي المره الثالثه غيرت العمر وجاني قبول
والله ان ظروفي مايعلم فيها الا الله قبل لا اتخرج وبعد
وانا حاليا ساكن عزابي فبلدي ماعندي مين يعولني واشتغل بوظيفه ماتفتحلي بيت كل الى حولني تزوج لان الكل لهم مين يعولهم عشت واستحملت الغربه لجل الشهاده وعشت ع المكافئه محد كان يدري كيف عشت
حاليا اشوف اخواني اصغر مني واصحابي كل مين عندو ولد او بنت
بامانه مو شي يحرق انا عارف ان الرزق على الله بس والله ياناس تعبت واتحملت لجل اكون شي فحياتي ماقدرت
قدمت على كل شي ومعدلي 3.55 من 5
الكل يقول خبره من وين اجبلك خبره ومحد قابلني
ع العموم لا اطول عليكم ياليت تفيدوني اكمل الاجرات واروح الرياض ولا ابطل لجل بيعتبروني مزور وانا ادور لقمت عيشي ومستقبلي الى حاس انه ضاع...........
|
حياك أخونا ، قل آمين أن الله يحقق لك اللي تتمناة ويرزقك مافية الخير .
انا بشور عليك شور إن شاء الله يبي يفيدك ، بس يحتاج أنك تجزم وتنفذ وإن شاء الله ماتخيب .
قبل اربع سنوات ويمكن تزيد 
كنت ابغى أدخل الكلية الحربية بعد الثانوي وكان عندي مشكلة النسبة ناقصة نقطة وحدة ، وأذكر أني سعيت مع كل أتجاه لين اشار علي واحد أني اروح لمكتب الأمير خالد بن سلطان ( عسى عمره طويل ابوفيصل قولوا آمين ياشباب ) المهم بالفعل لما كنا بالانتظار وبالدور وبالفعل قابلنا الأمير خالد في مجلس استقبال المواطنين وأقنعني أن لو أستثناني بالنقطة هذي راح يستثني غيري واذكر أنه قال لو أنك جايني بمسالة أستثناء بالعمر ماعندي مشكلة وابشر المهم استخرت الله ودخلت الجامعة وهذا انا مرة ثانية اقدم وعسى يكتبها ، الزبدة أن ماراح أحد يستثنيك من مسالة العمر غيره والظاهر معالي رئيس هيئة الأركان هم اللي لهم الصلاحيات في الاستثناء ، شف إذا تقدر تحضر مجالس استقبال المواطنين أذكر بعد الظهر يوم الاحد ويوم الثلاثاء الصبح ، أنت أكتب لك معروض تبين فيه حاجتك للوظيفية والمصاعب اللي تعرضت لها سواً دراسية أو اسرية ، وإذا محتاجني اساعدك بكتابة الخطاب أنا تحت الخدمة واتشرف .
المهم لاتجلس وتنتظر احد يجي ويمسك مع يديك ، بادر وابحث عن الاسباب اللي تعينك لتحقيق اهدافك ، وقبل كذا اتكل على الله .
موفق خير .