اقتباس:
المشاركة الأصلية كتبت بواسطة ضايقه به
أنا بصراحه أستغرب من وزارة التعليم العالي السماح لمثـل هذهـ الكليات بأستقبال الطلبة ..
يآ اخوان وربي قمت النصـب والاحتيال وأكل أموال الناس بالباطل ..
شوفو قيمة الساعه وجبته من موقع الكلية ( رسوم الساعة المعتمدة هي 1950 ريال. )
تقريبن ألفين ريآل ؟ عالساعه الواحده ؟
أكبر الجامعات الأمريكية .. بأقل من كذا بكثير وأدخلو على أي موقع لجامعة أمريكية وشوفو ..
يعني أنا اجي أسجل عندكم وتاخذون مني 3000 ريال رسوم تسجيل أوكي بهذي معكم ..
لكن ما راح تصدر قرارات المنح الداخلية الا بعد مدة
وراح تجبرنا الكلية على دفع رسوم الدراسة .. فتخيل معي عزيزي الطالب
أنك تنزل 12 ساعه بالترم الاول ( الي انت راح تدفعه الين يطلع قرار ضمك ) × 2000 = 24000 ريال
هذا غير شي أسمه ( لغة انجليزية قبل الدراسه وتطلع عليك بمبلغ وقدرهـ )
أخوي صالح الرياض .. باين انك مو صالح الرياض
أنت محمود المصري < اسم مجازي .. وجيت هنا لمجرد التسويق وليش لخدمة الطلاب كما ادعيت ..
لان لو صدق خايف على اخوانك الطلاب كما تدعي .. ليش ماحطيت جامعة تبوك الاهليه والامير سلطان الاهليه وكلية الباحة وغيرهاا مع انهن ارخص .. وكما يقال العوض ولا القطيعه
لكن لانك مجرد مسوق .. وضعت هذه الكلية المغموووووورهـ
خاااااااااااف ربك .. وخاااف من سهام الليل التي سيطلقها من تضلمه انت وكليتك المحترمه
|
هدي هدي شوي شوي لا يطق لك عرق
أول شيء كلامك مردود عليك ..
ثاني شيء أنا طالب هناك
ثالث شيء أنا كتبت من جامعة دخلتها وأعرف نظامها وعلى وشك التخرج منها !!
أنا عانيت من مسألة إكمال البكالورويس بعد الدبلوم وحصلت على معادلة مو تجسير !! وكانت معادلة قليلة فحبيت أنشر هالموضوع عشان ما يعانوا كثير مثلي
رابعا أنت ما عندك فلوس روح لجامعة حكومية وش حادك عالأهلية ؟؟ !!
خامسا بما إنك ما عندك علم أو خبرة بتكاليف الدراسة الجامعية بلاش تتفلسف ..
انت تدري إن الي تدفعه الدولة على الطالب الواحد في الجامعة الحكومية أكثر من الرسوم في الأهلية ؟؟ بس أنت مو حاس لانك ما تدفع شيء !!
سادسا الموضوع كله عبارة عن إعلان شفته في ممرات الجامعة وحبيت أشاركم فيه مو ضارني شيء اذا احد راح ومو نافعني شيء ..
سابعا كلامك الي يقول إن الدراسة برا ارخص مو صحيح وما عندك أي خلفية أصلا عن الأسعار ادخل على موقع أي جامعة وشوف الأسعار , دراسة بس ترم واحد للغة بأمريكا أكثر من 60 الف بس ترم واحد ناهيك عن السكن والأكل , فليه حضرتك اذا رحت امريكا تدفع اكثر من 80 الف بالترم ولا تتكلم ولا تنتقد ؟؟
ثامنا المستقبل الآن لهالجامعات لأن فيها تخصصات مو موجودة بالحكومية ومناهجها الدراسية حديثة وتواكب التطور
تاسعا أنا ترا ادرس بمنحة داخلية وكل الي ادفعه سنويا فوق المنحة يمكن حدود 6 او 7 الالف
عاشرا واخيرا خاف ربك وبلاش ظن سوء بالناس
قال تعالى (( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ))
أنا كل الي أبيه دعوه فقــط ..