هالزمـن لـو مايطيعـك طاوعـه وإحــذر خـداعـه
نـوب [ تغرينـا ] مـلامـح, وسطـهـا وجــه ٍبـديـل
و الشقا وإن طال غيمـه.. تالـي الغيـم إنقشاعـه
ماخبرت الغيم يبقـى.. فـي سمانـا [لـو يخيـل]
و الوجـع موجـود طبّـه.. بـس يحتـاج لـمناعـه
و [المناعه] حزم قلب, وصبر, مع قلب ٍ يشيل
و الزمن وإن زاد قسوة.. يبتسم لك لـو لـساعـه
وإن تبسّـم لـو لسـاعـه إحـمـد [الــرب الجلـيـل]
إبتسامـة عقـب دمـع ٍ.. حـرّق الجـفـن إلتيـاعـه
خير من دمع ٍ [فقد ضحكات] من وقت ٍ طويـل
بإختصار إرضـى بواقـع دنيتـك وإقبـل سماعـه
و اقتنع بأحكـام وقتـك لوغـدى [قلبـك عليـل