بسم الله الرحمن الرحيم


اللهم لك الحمد

اللهم لك الحمد

اللهم لك الحمد حتى ترضى


ولك الحمد اذا رضيت

ولك الحمد بعد الرضا

ولك الحمد على كل حال



بسم الله نبدأ



دخلنا مع البوابه الشرقيه ودخلنا على اللي يتأكدون من اسمك ويعطونك رقم تسلسلي بعدها دخلنا الجهاز حق المطارات وبعدها طلعنا للصاله الثانيه حقت انتظار الباصات انتظرنا وجانا ....... العميد الأسمر الله لا يوفقه ولا يسامحه ويجعله يتقاعد ما اخذ لواء طبعا مثل ما صار اول يوم صار اليوم مشى الصف الايمن أول مع اننا جايين قبلهم بنصف ساعه بس ما اقول الا الله لا يوفقه لا دنيا ولا اخره وهذا سبب لي تأخير كنت في غنى عنه وجاي بدري عشان ما اتأخر المهم طلعنا على الباصات وودونا نقظة الفرز اللي هي الصاله الرياضيه وانت داخل على الصاله يعطونك استماره تسمى بالانقليزي " تشيك لست " عشان تعرف انت وش بتسوي اليوم ووش بتسوي بكره واذا انتهى يومك يشيكون عليها بقول لكم شوي وش سوينا فيها نجلس على الكراسي اللي جلسنا عليها يوم ننتظر تدقيق البيانات اللي تحت مرررره تعبي الاستماره فقط اسمك ورقم البطاقه ورقم الطلب اللي على الكرت الأصفر وتدبس فيها صوره مكشوف الصلعه تنتظر دورك في السرا وتروح لأول مكتب على اليمين يتأكد من اسمك ورقمك اللي على الهويه ويوقع اعلى الاستماره بعدها تروح للي للمكتب اللي جنبه يتأكد من رقم الطلب ويسجل اسمك ورقم الطلب في كشف بقول لكم وش حاجته هالكشف بعدها تروح لاخر مكتب يختم على الصوره وبعدها تلف من ورا الستار وتجلس في المقاعد المقابله بعد ما تجلس يعطونك ملف طبي شكله زي شكل الملف اللي عبيناه عباره عن 4 اوراق الورقه الأولى للكشف الطبي مطلوب منك تكتب اسمك ورقم البطاقه والطلب وتدبس فيها صوره مكشوف الصلعه والورقه الثانيه كربون للأولى بس تدبس فيها صوره ثانيه مكشوف الصلعه الورقه الثالثه فيها تاريخ المرضي والتاريخ النفسي عبها كل الشعب ما يعرفون غير كلمة لا لا لا لا طبعا تأشر على نعم أو لا أو لا ادري بعدها ياخذونها منكم ويختمون الصور اللي فيها ومدري وش يسوون فيه بعد لأن هالملفات " راحت مراح مقيط ورشاه " ما عاد شفناها الا بيدينهم بعدها اللي سلم يطلع على الكراسي الحمرا فوق واذا خلصوا الملفات ينادونكم بالاسماء حسب الكشوفات المذكوره اعلاه تطلع الكشوفات على 25 طالب 25 طالب يعني كل 25 طالب في كشف واحد ويروحون كقروب واحد بعدها اللي يناديه يطلع فوق على الجدار ويصف سرا ويجي واحد من العيادات وياخذكم تدخلون العيادات اللي دخلناها في الطول والوزن بس بدل ما تروح يمين للطول والوزن تروح يسار للعيادات بعدها تجلس على كراسي الانتظار الاولى وبعدها يجي المسؤول عن الترتيب في عيادة العيون ويناديكم الى انتظر العيون وبعدها تدخلون واحد واحد طبعا حسب الكشوف أعلاه تدخل تلقى حقت اختبار النظر مربع صغير او بالاصح مكعب صغير منور من داخل تخليه على يمين وتجلس وتشوفه على المرايه حقت مكتب رئيس اللجنه الطبيه يقول لك سكر اليمنى و5 اسئله من السطر الثاني الى السطر قبل الأخير طبعا على شكل حرف سي بس كل اللي سألني فيها يا فوق يا تحت بعدها تطلع على طول لانتظار الأنف والاذن والحنجره والاسنان دكتورين بعياده واحده يناديك المسؤول عن الترتيب طبعا حسب الكشوف المذكوره اعلاه تدخلون واحد واحد تبدأ بحق الانف والاذن والحنجره ويكشف على اذنك خشمك حنجرتك وتقوم من عنده وتجلس عند حق الاسنان ويكشف عليها بعدها تطلع على طول لانتظار الضغط يناديكم المسؤول عن الترتيب على 3 3 طبعا حسب الكشوف المذكوره اعلاه وتدخل يقيس لك الضغط وعدد النبضات بعدها تروح يمين من ورا الستار على المختبر يعطونك علبه ويحطون عليها رقم وتاخذها وتروح للي جنبه يسحب منك 3 عينات دم وتطلع لدورات المياه تعطيهم عينة بول وانتم بكرامه بعدها تطلع لواحد جالس بين المختبر وعيادة الضغط يشيك لك على الاستماره اللي اول ما دخلت عطوك اياها بعدها تطلع مع الباب اللي دخلت معه تلقى عسكري يقول لك اشاعه تقول ايه ويدلك تنزل مع الدرج تلقى كراسي انتظار تجلس عليها الين يصير عددكم حول 40 وتطلعون على الباص للاشعه تدخلون الاشعه تصفون صفين طبعا مالها دخل في الكشوف صفين 5 طلاب 5 طلاب والباقين يجلسون عشان ما يتعبون من الوقفه وبعدها تدخل للاشعه يسوي لك اشعه للبطن وبعدها تلف وتضم حقت الاشعه كنك تقول يا عمري انتي هههههههه ويسوي لك اشعه للصدر وتطلع للباص تنتظر شوي الين يرجعون باقي زملائك وتطلعون للبوابه الشرقيه والله يحفظكم



طبعا فيه بعض الملاحظات بكتبها برد ثاني اقروا هذا على بال ما اكتبها