السلام عليكم ورحمة الله وبركاته

كيفكم شباب ان شاء الله تماااام

انا توي جاي من برى وكنت عند ادارة الدفاع المدني الشؤون الادارية والمالية بالرياض

المهم ورحت لظابط المسؤول عن امور التعيين واللي يطبع القرارات والتعين واللي يسجل الارقام العسكرية للجدد

دخلت عليه وقلتله بعد السلام انا جاي مخصوص لك وانه واحد قالي كل شي تبيه تلقاه عند هالرجال اللي هو انت قال حياك

امر طلع الرجال مؤدب صراحه قلتله انا من الاحتياط وتونا قبل اسبوعين مخلصين كشف طبي ثاني ومراكزنا قالوا خلال اسبوع

اسبوعين راح تدخلون الدوره اللحين وانا اخوك لنا ثلاث اسابيع وماصار شي وكل ما نكلم المراكز مايعطونا وجه وبعظهم يكلمنا

من طرف خشمه ولا ناخذ منهم لا حق ولا باطل وانا جاي من حائل ابي اخذ العلم منك ما ابي ارجع وانا ماستفدت شي

الله لا يهينك قال شف ابي اقولك اللي عندي حنا طبعنا قراراتكم وحطينا لكم ارقام عسكرية وطبعنا تعيينكم وخلصنا يعني

انتم تعتبرون عسكر اللحين هذا اللي عندي واعرفه زين

قلت انا ابي اعرف متى الدوره نخش هذا اللي انا جاي علشانه

قال اوراقكم اللحين عند وزارة الداخلية تشيك عليكم وتبحث تشوف صار معكم شي جريمه والا كذا خلال الفتره اللي راحت والا لا

وبعدها ترسل اوراقكم لمنا ولم المدريه العامه والمدريه يبلغون المراكز والمراكز تبلغكم

قلت ليش تروح لوزارة الداخليه حنا بصمنا قبل اسبوعين قال يتاكدون والله والعالم يلمح انهم يتاكدون خلال الفتره اللي راحت

فيه احد مطلوب امنيا والا لا

قال عاد هذا اللي جاك وهذا الاجرى

قلت يعني حسب علمك وحسب خبرتك متى الدوره

قالي وقسم بالله هذا نص كلامه قال خلال الاسبوع هذا او الاسبوع الجاي راح يبلغونكم وتخشون

قلت له انا اعرف واحد عمه عقيد بالدفاع قاله مافيه شي الا بعد العيد

قالي لا يهمك ماعنده سالفه واصلا بعد العيد مو فاضين لكم عندنا متقدمين جدد كثير وهم راح يخلصونكم قبل رمضان

قلت يعني بالظبط راح نخش قبل رمضان

قال ايه وليش مستعجل انا اقول احسن لكم ترى تخشون بواحد رمضان بعد لانه الفايده لكم تجلسون بدال ٤٥ يوم تجلسون٢٣

ويكون معكم اجازه طويله لين بعد العيد وتجون

قالت يعني اكيد

قال اكييييييييد

قلت طيب شلون اعرف انه اوراقنا متى تجي من الوزاره

سكت شوي وقال ما ادري

قلتله يارجاااال انا جاي من حائل ابي العلم الاكيد تراني

قال شف رح لمقدم بالمدريه وطلع جواله من جيبه وقال اسمه فلان الفلاني رئيس القبول والتسجيل هو اللي يتابع اوراقكم

شخصيا بالوزاره ويعرف وش صار عليها هي جت والا متى تجي

قلت بيض الله وجهك وماقصرت

قال وانا طالع انتبه خل جوالك معك هالايام الجايه علشان يبون يدقون عليكم مو مطولين

قلت جزاك الله خير ماقصرت

وبعدها طلعت بس مارحت للمديريه ماكان يمديني بزحمة الرياض والحر القرف خليتها لبكرى ان شاء الله

لاكن ياشبااااااب والله هذا اللي صار معي بالظبط وهذا اللي دار بيني وبين الرجاااال

الزبده اللي فهمتها راح نخش خلال الايام الجاية ان شاء الله وبحول الله وتوفيقه

وفهمكم كفاااااااايه

الله يوفق الجميع ويكتب لناالخير والصالح

ودعواتكم لي تكفووووووووووووون

لكم تحياااتيـ