والله ناس يقهرون كلن يقول كلام من راسه

انا والعيال 4 اشخاص طلعناها

انا: معي خصوصي لها اكثر من سنتين اخذت ورقة البصمات ورحت للرياض (لاني من منطقة الرياض) الادلة الجنائيه وقالو تعال بعد اسبوع وجيت واخذتها بعد اسبوع ورحت للمستشفى وفحصو النظر وفصيلة الدم (مايدققون لان المستشفى بمدينه صغير عكس الرياض) ورحت دله ودرست 5 ايام باليوم الخامس اختبرت ونجحت عمومي خفيف قالي تبي تثقل ادفع 100 والحين تختبر اذا نجحت بالتريلا تاخذ ثقيل

خويي الي معي بنفس الدله: راح معي للبصمات والمستشفى بس هو ماعنده خصوصي درس معي 5 ايام و10 ايام مادرس عشان عرف واحد يحضره واختبر واخذ عمومي خفيف

الاثنين الباقين: اخذو ورقة البصمات ومن بكرا بدري وهم بالرياض وطلعو بصماتهم بنفس اليوم وخلصو المستشفى وجلسو ببيتهم وبعد 15 يوم راحو اخذو الرخصه بدون اختبار

التكاليف: 150 ريال رسوم دله , 400 ريال رسوم اصدار رخصه , واذا تبي تثقل تدفع 100 ريال قبل مايطبعون رخصتك اذا طبعوها تدفع 300 ريال


بس ترا الدفاع المدني متشددين بالتاريخ حق الرخصه اي تاخير او تقديم ممكن يرفضونك