بسم الله الرحمن الرحيم
اللهم لك الحمد
اللهم لك الحمد
اللهم لك الحمد
اللهم لك الحمد حتى ترضى
اللهم لك الحمد اذا رضيت
اللهم لك الحمد بعد الرضا
ولك الحمد على كل حال وعلى اي حال
والحمد لك كما ينبغي لجلال وجهك الكريم
بسم الله بدأنا بسم الله انتهينا
أولا تدخلون مع البوابه الشرقيه وتشيك على اسمك في القائمه وبعدها تدخل على صالة انتظار الباصات طبعا بيكون العدد كبير لكن اول باص يجي يقولون اللي عندهم كشف طبي 1 يطلعون وتجلسون انتم تنتظرون وتجيكم البااصات وتشيلكم للصاله الرياضيه وتطلعون للمدرجات الزرقاء اللي فوق طبعا في الجهه المقابله اللي تصير صور رموز الأمن قدامك بعدها تنلطعون ذيك اللطعه اللي على كيف كيف كيفك ساعتين او ساعه ونصف وكل فتره يجون ينادون مجموعه طبعا على اي اساس يقسمون المجموعات محد يدري طبعا بعدها اذا سمعت اسمك تنزل وتصفون سرا حسب ترتيب الاسماء بعدها تروحون لصالة الكشف طبي 2 تبدون بعيادة الباطنيه والنفسيه مع بعض نفس الانف والاذن والحنجره والاسنان والله العظيم اتفه من هالكشف ما شفت بحياتي تدخل على دكاتره اثنين يسألونك 3 اسئله .. هل تستخدم ادويه بشكل مستمر .. هل تعاني من مرض نفسي .. هل تعاني من امراض مزمنه والله العظيم بس كذا بعدها تروحون لكشف الجراحه قبل تدخل يقول لك نزل ملابسك كلها لا تخلي الا السناوي بعدها تدخل على دكتور الجراحه يقول لك وقف بعدها يقول ورني ظهرك بعدها يقول نزل سروالك ويطالع بس ولا 3 ثواني وتمشي وتطلع للي برا يختم على الاستماره بعدها تطلع لمقابله 1 اول ما توصل يقول لك نزل الجزمه والشراب وانتم بكرامه ويقول لك ادخل على اي مقابله فاضيه وتدخل وتحط نعالك عند الباب طبعا اقل رتبه شفتها تاج ونجمتين يعني عقيد وشفت واحد تاج ومقص خضني بطني هههههه وانحشت منه صاح علي واحد يا طااااااااااااااااااااااااااااالب انت انرجيت قلت نعم قال وش فيك تدوج قلت ادور وحده فاضيه قال طيب ليش ما دخلت هناك يقصد مقابله فيها عميدين انا طقتني ام الركب من الرتب اللي ما تشيلها ونوش قال اختار ورقه واقرا السؤال وجاوب عدد الاوراق تقريبا 150 ورقه صغار اخذت اول وحده قال وقف زين واقرها وجاوب كان السؤال ماهي طموحاتك اللي دخلت الامن الداخلي عشانها المهم جاوبت ذاك الجواب اللي مدري وش يبي وطلعت ونسيت النعال عند الباب صاااااااح علي مره ثانيه يا سبيعيييييييي قلت نعم قال خذ جزماتك والله من الدلاخه ههههههههه بعدها تطلعون على مقابله 2 وتنتظرون واذا جاك الدور تروح لواحد عنده جهاز حاسب ويسألك عن اسمك ورقم الطلب ورقم الهويه ويطبع لك استماره من 3 ورقات ورقتين تعبيها وورقتين للي يعمل معاك المقابله طبعا المقابله الثاني كلهم في صاله وحده يعني 10 تقريبا في صاله وحده تدخل ويسألك كم سؤال اسهل بكثيييييير من المقابله الأولى وبعدها تطلع على البصمات ويبصمون العشره اصابع اولا كل اصبع لوحده وبعدين الاربع اصابع مع بعض والابهام لحاله بعدها ترجع على الصاله الرياضيه تحت في الكراسي الأخييييره تحت تنتظر لما يجي دورك وتروح يتأكدون من اكتمال متطلبات الدفتر ويسجلون بياناتك البيانات نفس المشهد اللي عبيناه وحفظناه في الموقع نفسه بالضبط وبعدها يوقع على الدفتر وبعدها تروح تلف يعيدون قياس الطول واكرر الطول فقط فقط فقط فقط فقط فقط حتى اللي عليهم تعهد وزن ما يقيسون اوزانهم بي الطول الطول فقط اللي عليه تعهد وزن الظاهر يقيسونه قبل الدوره بعدها تروح تجلس في المقاعد المقابله عشان تسليم الدفتر تنتظر دورك وتروح يشيكون عليه كامل من الى وبعدها ترجع تجلس في المقاعد المجاوره عشان تسلمه للنقيب تنتظر دورك وتروح يتأكد للمره الأخيره وبعدها ياخذه منك وتروح تجلس في نفس المقاعد اللي جلست فيها اول ما دخلت الزرقاء اللي صورة رموز الأمن في وجهك بعدها يجيكم نقيب ياخذكم للصاله الرياضيه تنتظرون في مكان انتظار الاشعه وبعدين يجيكم المدرب وترجعون على المدرجات الزرقا ويقول اللي بنادي اسمه يجي ياخذ رقم وينتظر تحت في سراه طبعا حسب الكشوف اللي تجيهم من لجنة الكشف الطبي بعدها تروحون للصاله الرياضيه وتسوون اختبار المرونه تجلس وتحط رجلينك على الصندوق وتحط يدينك فوق بعض وتمدها وتدف اللي يتحرك الي اقصى قدر طبعا مده وحده فقط ما فيه ترجع وتدف مره ثانيه انا جبت 39 ويزيد ابراهيم جاب 34 وولد الشريف جاب 34 على ما اظن بعدها اللي يخلص يطلع على السير في الصاله الثانيه والله انه حاط لي على 10 والله احس اني امشي السير حقهم غييييييييييييييييييييير ويطلب منك تجري 600 متر ويشوف المده ويسجلها بعدها تطلع تلقى واحد جالس وعنده ختم تسلمه الاستماره والله يحفظ على الباص ويوديكم للبوابه وبالتوفيق
فيه ملاحظات بكتبها بعد شوي اقروا هذي على بال ما اكتبها