المشاركة الأصلية كتبت بواسطة سليمان نايف

السلام عليكم ورحمة الله وبركاته

طبعا انا خلصت الفحص والمقابلة يوم الاثنين وكانت الامور سهالة والحمدلله
اول شي حضرت الساعه 3:30 عند كلية الملك عبدالعزيز القديمة
دخلونا وقالوا جوالاتكم لاتجيبونها بعدين قاموا يصفون حقين الثانوي وقالوا
الجامعيين يجلسون علي الكراسي بعدها صلينا الفجر وبدوا يركبونا الباصات
وودنا لمكان والله للحين مدري وينه المهم دخلونا مسرح وقالوا حطوا ملفاتكم في سله وخلوا معكم
ورقه الفحص و البطاقه الصغيرة بعدها نزلونا للدور الي تحت وعطونا ملابس زي حقت المستشفيات
وقالوا نزلوا ثيابكم طبعا نزلوا الفنايل والسراويل الطويلة وخلوا السروال الصغير عليكم
بعدها يجلسونكم قدام غرف الدكاترة وبالدور ينادون بالاسم
اول شي العيون ويقييس النظر بعدها ينادونك مرة ثانية للعيون ويخليك تشوف اللوح الحروف E
وتقوله يمين يسار كذا يعني
بعدها حق الجراحه قام يسالني سويت عمليات ولاشي قلت لا بعدها قال وقف وافتح السترة
توقعت يقول نزل المقوصر هههههه بس قال كح وكحيت قال خلاص
بعدها الانف والاذن وطقطق علي شوي
بعدها العظام يقول حط يدك ورا ظهرك وقف علي اطراف اصابعك
بعدها الباطنية سوالف
بعدين النفسية والنطق يقولك قل سلسلة و امر امير الامرا
بعدين الطول والوزن والضغط
اذا خلصت وكنت ناجح يكتبون علي البطاقه مقابلة اذا فشلت يكتبون مسرررح يعني مع الباب
بعدها تروح المقابلة فيه اكثر من لجنه
1- لجنة الرياضيات والحاسب
2-اللجنة الهندسية وعندهك اغلب التخصصات العلمية
3- اللجنة الشرعية
4- اللجنة الادارية
انا تخصصي انجليزي ودخلت عند الادارية طبعا ينادون بالاسم
دخلت الا فيه عقيد مدري عميد بحري مادققت ومعاه ثنين جالسين ورئيس رقباء واقف
سالني العقيد قال تحدث عن نفسك بالعربي طبعا قمت ابرطم عليه
قال خلاص رح مع الريس يختبرك لغة ويدخلني مكتب ووالله طلع بلبل لغة
قال تحدث عن نفسك طبعا انجليزي
بعدين عطاني قطعه بالانجليزي قال اقرا وقريتها ثم قال ترجمها بالعربي
بعدها عطاني ورقه قال حلها ثلاث اسئله اسهل مايكون قال خلاص توكل علي الله
بعدها طلعت وركبت الباص علي الساعه 9 و 9:30 وهم حاطينا قدام اسواق
الشعله 10 وانا في البيت وسلامتكم
واذا كنت ناسي شي بكتبه بعدين