نصيحة من أخ الى أخ ..؟

ياشباب لحد يسبب لنفسه القلق ,, والهم عشان هالوظيفة والتأخير ..

طيب افرض مثلا .. وعسى الله لايقدر ان شاء الله وعسانا من المقبولين .. بس اعتبروه مثال ..

افرضوا طلعت النتائج ومحد لقا اسمه ؟ وش راح يصير فيك ؟ اكيد بتدور فيك الارض ومالك خلق لـ اي شيء قدامك .. لا من صغير ولا كبير ؟ السبب انك كنت مهتم في شيء .. وفكرت فيه كثير ورحت معاه اعماق واعماق ؟...

ولا تحقق المطلوب .. عمومآ خلوا ثقتكم بالله عز وجل كبيـره .. وكل واحد له رزق من ربه ..

ان كان في وظيفة عسكرية او غيرها .. ان سو اللي عليـك وخل الباقي على ربك ..

بس محد يحط رجل على رجل ويقول الرزق جاي جاي ؟ لا ربك يطلب منك ان تطيعه فيما امرك الرسول عليه الصلاة والسلام ..


الصلاة في أوقاتها والاستغفار والصيام ورمضان على الابواب .. وطاعة الوالدين .. والصدقات لاتوقف .. ترا العمال والمساكين محتاجين من يستجيب لهم ,, ماتاخذ منك 20 ريال ,, في ماء ابو نص ريال ..

وزع في المساجد او في الشوارع لعمال النظافة .. واذا قدرت في ببسي او حمضيات او سفن اب .. شيء يحركهمويفرحون فيك ... وصدقني اذا بتقول مامنهم نفعه مايدعون لنا ان كان تدور دعوة شايب ولا عجوز .. ترا فيه غيرك يشوفك ويقول في نفسه عسى الله يوفق هالرجال وييسر امره ..

يعني خل اعمالك الخيريه دائمة الدوم بلا توقف .. وصدقوني والله ان يفتح لك باب الرزق من حيث ماشئت في عملك في اهلك في بيتك في المال ....الخ

وعسى الله يوفقنا جميـع ,, ويرزقنا من خيره ويبعدنا شر الدنيا وعواقبها ....

وان شاء الله الكل يعتبر من الكلام .. ويخلي منه التفكير في الوظيفة ..

اعتبر نفسك موظف في الصدقـات ؟ المكسب هو ( الحسنأت اليوميه وليس الراتب الشهري ...


واختم كلامي في الصلاة على النبي .. والحمدالله رب العالمين

لا اله الا انت سبحانك اني كنت من الظالمين