اقتباس:
المشاركة الأصلية كتبت بواسطة ولدالشريف
[align=center]
السلام عليكم ورحمه الله وبركاته
اللهم لك الحمد حتى ترضى ولك الحمد اذا رضيت ولك الحمد بعد الرضى
اول شي اشكر جميع الاخوان في المنتدى على حرصهم ومتابعتهم لنا خلال مرحله الكشوفات والمقابلات واسال الله ان يسهل لهم ما مرينا فيه انا وجوزيه ويزيد وباقي الشباب
وشكر خاص لاخونا جوزيه على الشرح المفصل للاحداث اللي مرينا فيها وحابب اضيف كم نقطه بسيطه ومهمه في نفس الوقت
بالنسبه للكشوفات
1/ اهم شي ادخل وانت واثق من نفسك وبالذات في العيون لان الدكتور يبغاك تجاوب بسرعه وعمى الالوان جدا سهل ما يحتاج تكبروا الموضوع ابدا واذا كنت مركب عدسات شفافه ماراح يشوف ولا يتاكد مدري امكن عشان المجموعه الاولى سامحين لهم بنظارات وعدسات
لكن اتمنى تتاكدوا من الشباب اللي تخصصهم نظري.
2/ الانف والاذن والحنجرة ما ياخذ اكثر من دقيقه يشيك على اذنك وحنجرتك والانف مرره مايشوفه ولا يطالع فيه وانا كنت خايف من الانف لاني عندي انحراف داخي وخارجي .... وهذا جواب لكل من سال عن الانف
3/ اختبار البول الله يكرمكم والدم بسييط لكن اتمنى من الجميع يروح يشيك في اي مستوصف ب 100 ريال احسن له واضمن امكن يكون عندك نقص او زيادة سواء في الهيمو جلوبين او غيره فيكون عندك فرصه انك تضبط وضعك من بدري وتاخذ ادويه
وبصراحه ادفع 100 ولا اتروح فرصه قبولي بسبب تافه ممكن يجيني واحد يقولي نصيبي ومني عارف ايش اقوله ما اختلفنا لكن حرام مجهوود سنه وانتظار لين يفتح التقديم وفي النهايه عشان سبب بسيط كان ممكن تعالجه تروح فرصتك في القبول وتتطلع راسب
ملاحظه لاصحاب ... ال م خ د ر ات او اللي شاك او اللي كان يستعمل ادويه اكتئاب ونفسيه او حبوب رجيم ضبط وضعك من بدري ولا تسالوني كييف لاني ما راح اقول وانتو ادرى وبلغ الدكتور بالادويه اللي تستعملها
4/ النفسيه والباطنيه باختصار ... مال امهم داعي
5/ الجراحه .... هههههههههههههه باختصار سمعتوا الكلمه التاليه : اخــــــــلـــــــــع , فصخ سروالك بالسعودي  اليوم راح تتطبقها وانت طيب على قولت واحد مطوع كان معانا لي 23 سنه محافظ على شرفي وعرضي والحين ... ههههههه
السروال الداخلي ياليت يكون .. نظيف لانك راح تفسخوا قدام الشباب كلهم
6/ المقابله الاولى , كل اللي يسوو المقابلات لا يقلوا عن رتبه عقيد  طبعا اهم شي صوتك واضح اقرب للعالي , اوقف زي الرجال , خلك كوول في اسلوبك , ابتسامتك الساحره ., تفلسف زي ما تبغى , اذا كنت لابس بلوزه مكتوب عليها شي حاول تفهمه لانوا سالني عن بلوزتي قالي وش مكتوب فيها , اذا خلاك تقرا جمله افهم انت وش قاعد تقرا لانو راح يسالك ايش فهمت من اللي قريته , اغرب سوال جا متى مات الملك عبدالعزيز  , بعضهم يحاول يربكك يصيح عليك مثلا انت ما عليك عطه من هالابتسامات وخل واثق ..
7/ المقابله الثانيه نفسيييه بمعنى يبي يشوف تفكيرك وحركاتك واغلبهم ضباط تحقيق يعني اي شي تقوله توقع راح يحشرك فيه لذلك خليك صادق ولا تهايط وتكذب لان هاذي شغلتهم طبعا لازم تعرف اركان الصلاه وشروطها وواجباتها واركان الايمان
راحج يعطونك ورقه تكتب فيها وش تحب تقرا جرايد و تشاهد قنوات ووين سافرت وليه سافرت
انا سالني ليه تحب تقرا جريده عكاظ قلتله اخبارها تجذب الواحد وغير كذا تخاطب المجتمع واغلب اخبارها تخص مدينه جده وبعدين قلي ليه ما تحب تتفرج على القنوات الشيعيه قلتله لاني ما اخرج منها باي فايدة وكلها كذب على الدين واذا حبيت استفيد اتفرج صفا وقناه وصال ...
8/ الدفتر جيب اوراقك كامله + البرنت اللي من الاحوال + تواقيع العمده مع تصديق الشرطه او ختم الشيخ او الامارة ووضعك سليييم مافيه اي تعقيد
ملاحظه راح تحتاج في كل ماسبق تقريبا من 10 الى 11 صوره مكشوف الراس
9/ المرونه سهله اهم شي مد يدك قدر ما تستطيع من الان تمرن عليها الطريقه تمد رجولك ولا تثني ركبك وتحط يدينك فوق بعض ومدها
الجري على السير لازم تقطع مسافه 600 متر التقييم كم الوقت اللي قطعت فيه 600 متر وعندك المدرب وحاول تزيد السرعه قدر ما تقدر بس انتبه لا تطيح يعني انت وجهدك
10/ بكذا انت انتهيت والحمد لله من جمييييع اجراءات الكليه وما بقي الا الاعلان النهائي للمقبولين وراح يكون على 18 - 20 رمضان بحول الله وخلال هالفترة وما بعدها طبعا التزم بالدعاء والاستخارة واسال الله ان يسهلك القبول اذا كان لك فيها خير
11/ سامحوني طولت عليكم وانا جاهز للاستفسارات والاسئله يا موسوسين 
اخوكم / ولــد الـــشـــريــــف
[/align] |
ماقصرت ياابيض الوجهـ
فالكـ القبول النهائيـ