بسم الله الرحمن الرحيم
هذه القصيده لـ بدر صفوق كتبها بعد وفات والدتـه(الله يرحمها)
لاقلت أبذكرها بروحي تنتهض بي روحي
هيبه وقدر وترجع عظام القصايد حيّه
الجادل اللي بإبتسامتها .. تزيح جروحي
اللي تطش بليل صدري .. غُبشة الحنيّه
اللي لها صمتي وكليّ وإنبلاجة بوحي
النافيه عني عيوب الناس لو هي فيّه
أنثى بمنطق شِعرها قارنت كل صروحي
أقسم بربي مابدت لأبيات شعري نيّه
قل ربة الشعر إن تبدن خابيات الضوحي
أم القصيد وعمّة أبياته.. وقمرة ضيّه
لاضقت صارت كلها لي خاطرٍ مسموحي
وإليا فرحت تقول : جدبات الفيافي حيّه
منها تعلمت أكتم ألامي وأداري نوحي
منها عرفت إن الكرامه حالة ..منجيّه
لذا نهجت بكل ما أكتب عن الممدوحي
ملعون أبو شعرٍ يمد أيديه لل خرجيّه
حرمه ولكن علمتني كيف اكون بروحي
عالم ..ولو كانت حدوده بالفضا منفيّه
بالله يادلال القصايد فوحي فوحي فوحي
فنجانك الأول تراه ..لنوره الزعبيّه