الاخوة عشاق المحاورة وجدت هذه المحاورة بين الشاعر سعد بن جدلان الاكلبي والشاعر سلطان الهاجري وحبيت ان انقلها لكم في مدهال المحاوره اتمنى تعجبكم



سلامي ردةٍ من بقيق إلى الجنوب=الهبوب تدفهـا و السعـد يبـرا لهـا
ما اقدر اصدق صدوق و لاأكذب كذوب=لين أشوف الغترة اللي يطيح عقالهـا

سعد بن جدلان :
مرحبا ترحيبة كنها رسم النصوب=كلما نشّت يسير العرب باضلالها
صاحبي قد له سنة قلبـه دبـوب=لا لقا له صخرة ماتشال اشتالها

سلطان الهاجري :
انت مندوب الأذاني ومندوب القلوب=و الحقيقة كل حسنة بعشـر أمثالهـا
شلتها من قو باسي ولا نيب مغصوب=و انت حتى العوسجة تنسدح بظلالها

سعد بن جدلان :
أنت دايم منشغل في الحساني و الذنوب=تحسب ان رب الملا ما خلقك الا لهـا
ما نبي نورالقمر يختفي قدم الغـروب=تأخذه يمنى الهـوا بالهـوا لشمالهـا

سلطان الهاجري :
ليش تهرج كذا وانت شعب من الشعوب=الشعـوب لحالها والـملـوك لحالهـا
ما نعرف الأجرب الا اليا حـك الجنـوب=و الفرس ما تشـره إلا علـى خيالهـا

سعد بن جدلان :
انت يا سلطان ما انتب على العليا مغصوب=خلهـا ترتـاح احـلا لكـم و احـلا لهـا
أنـا حـراث المـزارع و طحـّان الحبـوب=لا طحـن لـك حبـة مـا عطـاك بدالهـا
سلطان الهاجري :
أنت ابن جدلان ما انته بعلام الغيوب=كل يوم يا سعد حالتك يرثـى لهـا