[align=center]الحمد لله لي الان ثلاث ايام و انا أقراء ما سطرته اناملك يا دماغ و انتهيت وانا كلي حماس
صراحه يا معلمنا ....... كل ما أقراء كتاباتك انظر في نفسي و اقول شكلة يقصدني
انا اقصَد بطاقات سوا و الحمد لله بس احس ان هذا المجال مو عاجبني احس اني اشحث حلالي من
الناس و قررت اترك المجال هذا لأن فية شخصين متعبيني و قررت اوقف و اجمع حلالي من الناس
و وقفت كرة الثلج لعدم حبي لهذة الشغلة ..........
انا ذبحتني كثرة المشاريع و كل ما اكلم أخوي يضحك علي و يقول بكرة بأتصل عليك احسب عنده سالفة
و اذا كلمني اليوم الثاني يقول هاه كيف حلمك البارح .... صراحه اضحك معه و كلي حرقة من داخلي
ثم كلمت صديقي رفيق الدربي و اجد منه تشجيع علي تردد عجيب و تخويف من بعيد و انا اعرف
انه خايف علي من الخسارة لاكن يرفض مشاركتي لأنه من ربع يستلم اخر الشهر من العمال .... المهم
انا كلمت ولد صاحب مول يوجد فية هايبر بندة و محلات ملابس الاغلبية من الجنسية اليمنية
و قالي المحل اجارة 60 الف على زاوية 10x8 تقريبا داخل السوق ... و ناوي اخلية شنط نسائية
لأن السوق مافية النشاط هذا و ناوي على تقليد ماركات او اخذ جملة من محلات كبيرة بالرياض او جدة
و اجرب حظي ........ المهم و حنا طالعين قالي و اذا تبي موقع كافي خارج المجمع للسيارات
بعطيك بـ 50 الف زي غيرك صراحه شتت افكاري لأن الكافي من ضمن المشاريع اللي فكرت فيها
شوي قلت برد عليك اليومين هذي و انا ماشي افكر مريت محلات الكفرات
عشان اتسعر و طلعت ان الاسعار مرتفعه قلتلة رقعلي الكفر من الداخل و قلب الكفرات و نحتري الراتب
و قعدت اسولف معه عن شغلهم قال يارجال والله فلوس الكفرات و باقي شوي ويعطيني دراسة جدوا
طلعت من المحل قلت كفاية لحسات مخ لقيت الارض اللي جمبهم مكتوب عليها للايجار طويل المدى
و لا اراديا اطلع الجوال و أدق عليه قالي الارض 30 الف بالسنه و اذا طلعت تترك البنيان
فكرت بنفس فكرتك حقت سكن العزاب قلت ابنيها و السقف شنكو واخلي المقدمه
محل كفرات لأنه على الشارع الرئيسي و اخر الارض ابني كم غرفة و اجرها واجر المحل
و حسيت اني سويت شئ و افكر و افكر و تعبت صراحه و ابي نصيحتك
وش تفضل من هذي الاشياء يناسب لي مع اني املك و لله الحمد 100 الف و حماس
شورك يهمني لأني الاسبوع هذا راح يكون فية بعض الحركة اخاف اتهور على عماها

و شكرا لك مقدما
[/align]