المشاركة الأصلية كتبت بواسطة كوين الحنآن

بسم الله والله علي ما اقول شهيد

بعد طلاقي بفتره كنت جدا محتاجه وكانو بناتي صغار طلعا ابوهم مايصرف ابد

المهم عطتني بنت خالتي رقم شيخ معروف وامام مسجد وقالت انه يتصدق لوجه الله

ثمن دقيت عليه 00 قال عطيني العنوان اشوف البيت واحدد اذا محتاجين او لا

اعطيته العنوان وناديت امي تكون معي اول مره جا كان محترم وباين عليه الوقار والهيبه


دخل وشاف البيت وقال حالتكم ميئوس منها وان شاء الله بساعدك

جا بعد كم يوم اعطاني 300 ريال وثقت قلت الشيخ ابن حلال وادعي له

وجلس اسبوع ودق قال من عندك قلت لحالي بناتي بالمدرسه قال بجيب لك مقاضي

قلت خلاص بدق علي امي تجي عندي صعبه استقبلك لحالي

قال لا ابيك لحالك ابقرا عليك رقي لحالنا وابنفث عليك 000 وبعطيك الي تبين وباعيشك اميره

عاد انا فهمتها ان غرضه سيء المهم هزئته وقلت لو جيت ببلغ الهيئه امحق مطوع وامام

مسجد بعد موب كل الطير الي يتاكل لحمه المهم حقد علي ودق علي بنت خالتي

يقول اني ماعندي اسلوب ومعاده متصدق علي 00 قلت الله الغني اموت جوع ولا ابيع نفسي

بس بغيت افهمكم موب كل امام مسجد وملتحي تصدقونه اغلبهم حاطها نفاق لغرض بنفسه وتجميع الفلوس