المشاركة الأصلية كتبت بواسطة كاندي شوب
وضعك غريب مع صاحبتك .. مو من باب التخريب بينكم لكن من باب أمانة النقل في الشكوى
لو هي فعلا شافت عليكي أو منك شي يستاهل ضم اسمك في الشكوى .. فهذه تتطلب اثباتات ولو بينك وبينها عشان ضميرك يرتاح ولو حتى تحاولي تتفادي أخطائك في الوظيفة الجديدة
ولو هي حبت تدعم شكواها بكمية العدد المتورط في مشكلتها عشان يصدقوها .. فالله يعوض عليكي في صداقة زي كدا
بالنسبة للمكتب .. معظمهم معتمد إن مكتب العمل أو أي جهة حكومية تطول اجراءاتها وممكن يضيع وقتك ع الفاضي
لكن - الله يحفظ لك الوالد - اسعي في موضوعك ولا تضيعي حقك بيدك
فيه شي اسمه حقوق الانسان اللي صايرة تستقبل كل شي .. فيه ديوان المظالم .. فيه صفحة وزير العمل ع الفيس بوك .. فيه و فيه و فيه .........! ليه تحرقي قلب أبوكي عليكي بتضييع حقوقك؟؟؟
حكاية توريطك انتي هذه بس لعبطة بالكلام عشان يخليكي مترددة وتبطلي تشتكي عليهم! لكن بالله قوليلي إيش ممكن تكون توريطتك إنتي؟ سعودية .. وبالعكس لو قلتي إنك اشتغلتي معهم فترة طويلة وماسجلوكي بنظام العمل هم راح ياكلوا هوا! كلمي نفس المستشار القانوني وشوفي إيش راح يقلك!
أتمنالك التوفيق في الوظيفة الجاية .. والله يسخر لنا رزق الحلال يااااارب
|