المشاركة الأصلية كتبت بواسطة فلسفة مشاعر

إنت انسـان كلامك غير صحيح ولا أدري وش مصدرك من الكلآم انا احد المتقدمين على الوظيفه والاسبوع اللي راح ياحبيبي ،، سوو لنا التحاليل الطبية وطلبو منا تعبئة بعض النماذج ،، وألله والعليم انهم محتاجين موظفين على وظيفة [ ناسخ آلة ] اكثر من الـ، 25 ياحبيبي ،، لأني شفت الكشف فيه مايقارب الـ، 29 أسم وكلهم سيتم عمل الفحوصات الطبية لهم ،، وما إلي ذالك انا ما ادري وش مصدرك ومين قالك هالكلام لاتخلي الناس تجلس ببيوتها وتفقد الأمل من كلامك اللي ما ادري وش الهدف في نفسه عينـك لله وانت تكتب كل حرف وتكون سبب في نشر كل معلومه أنتبه ياخي الحيين الكثير من الناس بيطنش جواله ويمكن منهم مايغير رقمه لفتره مؤقته ع الاقل يقفل رقمه اللي سجل فيه ويكون كلامك هو السبب خاف الله في ماتنشر على الأنترنت يا أخي الكريم ،، وألحمدلله اني تذكرت اليوزر نيم والرقم السري عشان ارد عليك كلامك غير صحيح وأؤكد عدم مصداقية كلامك وانا احد المتقدمين على الوظيفه وتم الاختبار وتم عمل مقابلة شخصية ،، يوم الاربعاء اللي راح بتاريخ 19/8/1432 كان هنالك تعبئة نماذج وتمت دعوتنا عن طريق رسائل الجوال وحسب ماقال الموظف كل اللي جتهم رسائل تقريباً توظفوا إن شاء الله ،، فلا تجلس تنشر وتفلسف وتألف من عندك يا ولد ميمون ،، والموظفين اللي مالين الجامعة منهم موظفين كانو بكلية المجتمع واعرف منهم الكثير ،، لأني احد طلاب الجامعة واول دفعة تخرجت من جامعة المجمعة ،، واغلبهم على بند الأجور والتشغيل الذاتي ،، وعلى الشركات المشغله ، لجامعة الملك سعود ايضاً ،، أتمني ماتنشر شيء غلط وتضلل الواقع على الناس

وشكراً لتعاونكم