اول شي بقول بالتوفيق لكم جميعا


شباب شهاد icdl
كلنا نعرف ان معناها شهاده دوليه لقياده الحاسب...
بصراحه وماودي احطمكم انا كنت مغتر فيها بس لما اخذت بياناتها لقيتها جدا سهله
اللي يكلمكم مو نيوتن ولا اينشتاين نو نو..
واحد مثلكم وانا متاكد ان اغلبكم يفوقني ذكاء اذا مو كلكم
المساله ومافيها ان المعاهد ذي يحاولون يطولون الدوره باكبر قدر ممكن بحيث يستفيدون ماديا
بتقولون وش الدليل
اقولكم
الله لا يهينك اقرب محل كمبيوتر واشتر سي دي تعليمي للوورد بس او البوربوينت
وسوي لك براد شاي وبعد العشا سكر على روحك بالغرفه وتعلم حبه حبه

للي مايعرف السي دي هذا شروحات فيديو
المهم كل ما تخلص من خطوه تروح على طول وتفتح الوورد وتطبقها
وشوف بكم راح تخلص


بتكون مفاجأءه تتوقعون انا بكم خلصت







خمن









يوم ونص فقط واذكركم انا مو اذكى واحد فيكم اغلبكم اذكى مني

المساله مثل ما قلت لكم يطولون المده لان في مصاريف ايجار ورواتب مدرسين وغيره

واذا فعلا بتصير محترف الله لايهينك زيارة صغيره لاخونا قوقل واكتب مهارات الوورد

وشوف وش بيطلع لك مواضيع

وبنفس الطريقه لباقي المناهج مع العلم ان icdl

بالمختصر تشرح مايكروسوفت اوفيس مجموعه برامج مايكروسوفت اوفيس

نرجع لمحور حديثنا بتقولي ليش محتقرها
اقولك مو محتقره بس لان مجالاتها جدا محدودها
بو بطلع جدتي الله يرحمها من قبرها واقولها اذا نبي نسكر الملف نضغط على انهاء ومدري ايش راح تتعلم في اقل من يوم ولما تجي عند صاحب الشركة ما راح يقولك سكر لي الملف هذا
ولا نسق الملف هذا لان المعروف الان كل الناس ييسوونها

بتقولي سكرتها بوجهي بقولك بالعكس
انت لما تاخذ الاي سي دي ال
راح تكون فتحت الباب لنفسك لتعلم اشياء تسفيد منها وتعطيك قيمة اجتماعيه عاليه جدا
مثل الاوراكل اللي مافي منشاءه كبيره بالعالم الا تستخدمه غصب
وللمعلوميه دورات الاوراكل ست شهور ب 25000 ريال
وبنفس الوقت تقدر تاخذ واحد يدرسك ب 2000 ريال دكتور بعد واذا انت بخيل شوي وحاب تستعرض مهاراتك عليك بمواقع الاوراكل العربيه
في ناس فعلا فيهم صفات المسلم ينشرون المعرفه ومستعدين يخلونك تشرب الاوراكل مثل الميه على قولة اخواننا المصريين
وعلى نفس الخطى
برمجة الدوت نت بانواعها
والشبكات
وبناء المواقع
وادارة السيرفرات ا
وكلها تقدر توفر لك دخل محترم وانت جالس ببيتك وبين اخوانك

اتمنى اكون ضيف خفيف على ذا الموضوع