مشروع القلابات مشروع ممتاز جداً


بس اذا كان عندك راس مال


وما فيه شيء اسمه قلاب


لازم تشتري راس تريله

وافضل الشاحنات اللي تصلح للمجال هذا

شاحنة مرسيدس ال بي مكينة 350 حصان
او شاحنة فولفو اتش 12 مكينة 440 حصان


بعد ما تشتري الشاحنة

تحتاج قلاب

فيه مستعمل وجديد

الجديد بحدود 75 الى 90 الف

المستعمل بالاربعين الى 45


وبالنسبة للصندوق فيه نوعين

نوع محورين
نوع ثلاث محاور للكفرات



طبعاً الثلاث محاور هو المطلوب لأنك تقدر تحمله امتار مكعبه اكثر من المحورين


ايضاً تحتاج تشتري سيارة جمس وانيت قديم عشان ينقل لك الكفرات في حال حصل بنشر او عطل في الشاحنة على الطريق

اذا اشتريت راس التريله
واشتريت القلاب ( الصندوق )
والجمس

توجه لأقرب كسارة

وراح تلقى الشغل ينتظرك وما راح تلحق عليه باذن الله


طبعاً بالنسبة للحمولة

فيه رمل
وبحص
وصخر

اشتغل بالرمل والبحص فقط


لأنك اذا اشتغلت بالصخر راح تدمر تريلتك




عيوب المشروع

تغير كفرات مرتين او ثلاث مرات سنوياً

وجود السائق

لأن السائق الجيد ما يجلس ساعة بدون شغل على طول الف من يشغله


متوقع الربح الشهري الصافي لا يقل عن 20000 ريال






ما انسى فيه مشكلة ثانية


فلوسك ما تاخذها كاش وفوري من الكسارة او المشروع اللي راح تنزل عند الرمل

احياناً تجلس شهرين شغال وبعدين يصرفون لك شيك بالمبلغ اللي عليهم


يعني تحتاج سيولة في جيبك على طول