المشاركة الأصلية كتبت بواسطة سلطان زماني

انا من رائيي يكون في تدريس ومعهد لرجال الهيئة يتعلموا فيه اصول النصح ومعاملة الناس ويتدربوا على جميع الحالات ولايكون فيه عشوائية في عملهم . وكذا يخلصوا من كلام الناس .
وفيه ناس مساعدين للهيئة اسمهم مخبرين ماياخذوا رواتب ولاشي بس تلاقيه مسوي نفسه واحد من رجال الهيئة والمخبرين هم من شوهوا سمعة الهيئة ماعندهم خبرة في عمل الهيئة ويتصرف كأنه واحد من رجال الهيئة وانا صارتلي قصة مع الهيئة كنت واقف عن البقالة قدام البيت وماسك الجوال بيدي (ماسك الجوال ومنزل يدي عادي ماني قاعد اطق طق بالجوال ولا شي ) قسم الهيئة في حارتنا وتعدت سيارة الهيئة وفجأة وقفت ونزلي واحد منها سلم وسحب الجوال مني وقاعد يقلب قلتله خير قال وين الذاكرة إللي حطيتها بجيبك قلت مامعي أي ذاكرة قال أنا شايفك (سبحان الله يكذب عيني عينك) قلت انت متعدي بسيارة كيف في هذه الفترة الصغيرة اطلع ذاكرة من الجوال واحطها بجيبي المهم فتشني وعطاني الجوال قلت حقي باخذه لاحقكم على المركز قال تعال وسوي إللي بتسويه .
المهم رحت المركز وشرحت لمدير المركز القصة وكان رجال محترم مو زي إللي قابلته ماعنده أخلاق وفهمته على كل شي وقالي معاك حق وانا بنفسي اعتذرلك وقال إن شاء الله الغلطة ماتتكرر .
المقصود من قصتي أنه لازم يكون في معهد لتخريج رجال الهيئة عشان يعرفوا يتعاملوا مع الناس .
بس الحمدلله الهيئة تحسنت عن اول والله يزيدها.