السلام عليكم جميعا
عفوا أخوي .. أحب أقول إن المسألة كلها غلطتكم من بداية الموافقة على وظيفة في السجلات الطبية والمدام شهادتها إدارة أعمال!!! بسبب الجري وراء شهادة خبرة!!!!!!!!
ثانيا .. تقول مارحت المقابلة مع المدير العام أول مرة لأنك مسافر، طيب لما رجعت من السفر برضها المدام دخلت عنده مع صاحبتها وإنت تستناها في السيارة!!! إيش الفايدة؟؟؟؟؟؟؟
ثالثا .. المستشفيات معروفة دوامها: من ٩-١ النهار أو من ٥-٩ الليل .... ليه مستغرب من مقابلة الساعة ٨ مساء وفوقها مادخلت مع المدام؟ هي صاحبتها صايرة محرم مثلا، دا غير نصيحتها للمدام بعدم معرفتك بالاختلاط والجرأة المطلوبة .. مو مبين الكتاب من عنوانه؟؟؟؟؟؟؟
رابعا .. لا الماكياج ولا الابتسامات ضمنت الوظائف لبنات الاستقبال .. ولا الأسود في أسود حرم المدام من وظيفة (أي كلام)!!! يمكن ربي من عنده صرفها عن هالوظيفة الظالمة لحقوقها ووقتها وشهادتها .... ليه تحط العيب في بنات مستشفى عرض الأزياء؟؟؟؟؟؟؟
وظيفة السجلات الطبية نفسها تحتاج شخص فاهم في المجال الصحي ... وزيها زي المساعد الصحي، لا بد من المصطلحات الطبية الانجليزية ودراية بتقسيم وأرشفة سجلات المرضى ومستنداتهم الطبية حسب الحالات الصحية .... يعني مستغرب من وظيفة المساعد الصحي لخريجة إدارة أعمال ومنت مستغرب من وظيفة بالسجلات الطبية لنفس الخريجة؟؟؟؟؟؟؟؟
القطاع الخاص معروف بالمصلحة التجارية بغض النظر عن مجال المنشأة اللي تقدم عندها .. الذكاء الاجتماعي والوظيفي هو فرض نفسك بحسب احتياجهم وبدون زعزعة مبادئ جوهرية لمجرد شهادة خبرة أو حتى لقمة عيش!
الله يفتحها عليكم ويسخر للمدام الوظيفة اللي ترضيك عنها ويرضيها .... وفوقها تلتزم فيها بشرع ربها (الدين يسر لا عسر)
وأتمنى نسمع عن المدام خبر وظيفي حلو قريبا بإذن الله 