والله بربيكان الحال من بعضه..

شباب وشابات جامعيين مؤهلين.. غير عاملين..

قصة صارت لي بالتقديم..
اول ما تخرجت الصيف قبل الماضي..كانت معنوياتي مرتفعه وانه راح اتوظف ومن هذا الكلام..
رحت قدمت على الديوان.. جايه من بدري.. الموظفات 6 جاء بدري 2 والباقي والله جاوا الساعة 12 الظهر.. طبعا كل هذا وابوي كبير بالسن واقف تحت الشمس.. وطبعا للزبالة ارواقنا..


عرفت انه فيه تقديم على محو الامية..اتصلت فيهم قالي الفراش اتوقع قالي خلي ابوك يجي ويقدم الاوراق على الرجال..>> ما سمعت نصيحته..
رحت طلبت واحد اداري.. ابي اسأل قلت له.. قالي لا مافيه قلت الا انا متأكده فيه تقديم وهذا الكلام كنا السبت قالي لا..سكرت يوم الاثنين بدأ التقديم رحت الثلاثاء الساعة 9 قالوا ليش متأخره قلت سمعت انه يبدأ 8 قالوا كذب الاوراق وزعوها الساعة 6.30 .. تفاجأت.. كنا والله واقفات بالشمس.. وتعرف شمس ورطوبة وعبايات..وكل شوي ما تحس الا وحده يغمى عليها من الحرارة. وسيارات الاسعاف جات..وصار زحام..
رجعت للبيت رحت يوم الاربعاء الساعة 6 الصبح..وقفت انتظر دور.. زحام..شديد.. وبدأت الحرارة ترتفع وكنا قمة الرطوبة,, وكنا والله ما نلقى الماء عشان نشربه.. وكان فيه رجال يتبرعون بالماي..والله العظيم كان ينوخذ الماي كأننا فقراء.. شوي طلعت وحده من المسوؤلات قالت انتوا ليش جايين بنات الواسطة اخذناهم يوم السبت..يعني المسؤول اللي رد علي كذاب..

رجعت للبيت فتحت الجريدة اليوم قرأت انه تم تلقي الطلبات وكان بيسر وسهولة.. واثناء المتقدمات بالطلب على الاجراءات..

رحت اتصل بمدير التحرير..ليش الكذب.. ليش عدم المصادقية.. المدير بدأ الثاني يتحجج.. قلت شلون تقول تمدح وتوزع على الناس اكاذيب.. راح يقول حنا مرسلين صحفية.. قلت انا موجودة.. وشفت بعيوني ..

بالعصر التقيت باخت الصحفية.. رحت قلت لها ليش تكتب اختك شئ كذب.. قالت اختي راحت جهة السؤولات واخذت الاجابة من هنا.. .


يعني الواسطة شغالة والاعلام كذاب..