سلاح النقل من افضل تخصصات الجيش من ناحية الرواتب ...
سالفة الفحص انا قبل شهرين راجعتهم في الحفر وهذي هي الحكايه...
جيتهم عند بوابة القبول والتسجيل الساعه تقريباً سبعه صباحاً دخلونا واخذو اسامينا وطابقو المعلومات عندهم العدد تقريباً 30 طالب المهم اخذونا في باص إلى المستوصف داخل المدينه العسكريه طبعاً مع المندوب محماس الروقي رجال اخلاق وطيب يستاهل المهم دخلنا المستوصف واخذو الفحوصات دم وبول ولكم الكرامه والاسنان والنفسيه والباطنيه والبتاع ..! والعيون طبعاً قالو لي عندك عمى أللوان قلت ماجبتو شيء جديد وانا وش حادني على الجيش غير عمى الألوان يمين يسار مانفع معهم الكلام خيره ان شاء الله المهم خلصنا الساعه 12:30الظهر ركبنا الباص ورحنا للمستشفى داخل المدنيه العسكريه واخذو الاشاعه وفحص العضام وخلصنا من عندهم الساعه 3:00 العصر تقريباً رحنا للقبول والتسجيل واخذنا مواعيد تسليم الاوراق العمده والبصامات إلخ...
ملاحظه: قالو لي نحولك من سايق إلى مراسل أو كاتب طبعاً كاتب ولا في الاحلام يعني كذب طبعاً رفضة وتركتهم..
وهذي سالفتي مع الجيش والله يوفقك