السلام عليكم ورحمة الله وبركاته
لو سمحتم يا زملاء ابي المساعده
الوالد ولله الحمد عدل عن فكرة انه يخليني انتظر الين اتزوج وبيساعدني بمشروع اسوق فيه منتجاتي
اول كنت اشتغل بصالون تجميل وسبا في قسم العنايه الطبيعيه للبشره وافهم الشغله عدل
صرت اسوي كريمات وخلطات وابي اطور نفسي زياده واوصل لصابونات الطبيعيه والشامبوهات
طلبت من الوالد يعطيني غرفه بالبيت ولله الحمد مدخل غرفتي مستقل عن مدخل المنزل وبها حوش صغير مستقل وتنفع مره اقلبها محل .. ابي ابيع فيه كل اللي اعرف اسويه حتى لو على الأكل المثلج واحطه بثلاجه بالمحل للي تبي تشتري وتطبخه ...
بس خوفي من البلديه .. المشكله الوالد كبير بالسن يالله يقوم وكيف اقدر اطلع ترخيص من البلديه بيتنا بصك شرعي بس بدون ترخيص بناء .. احنا اشترينا بيت ابو دورواحد شعبي وبنينا فوقه دورين بدون ترخيص لأن البلديه طلبت مننا مبلغ 20000 على الترخيص ... فتستر علينا الموظف مقابل 5 الف ... والحين اخاف تجي البلديه وتقفل مشروعي او تصادره ... مع العلم انه جو البيت والمكان مغلق بس ودي احط لافته صغيره على الباب بها اسم محلي والخوف صراحه ذابحني لآني باخذ قرض من البنك وانا اصلاً ما عندي دخل رغم ان مكسبي مضمون بس يمكن البلديه تقفل محلي وتصادره وتسيبني في الديون
كيف ممكن اطلع ترخيص وهل يطالبوني بترخيص بمحل جو البيت؟؟..
المواصلات عندي من جد مشكله ماني قادره حتى اراجع ورى معاملتي لو قدمت ...
ياليت تساعدوني ..
لأني من جد بحاجه للشغل