بسم الله الرحمن الرحيم
السلام عليكم ورحمة الله وبركاته
مبروك عليكم الشهر جميعا ولا اطيل عليكم أدخل في الموضوع
ابي فزعتكم لاهنتم لأن أرآئكم تهمني وخبرتكم تنقصني وانتم اخواني فلا تبخلو علي بمشورتكم

الموضوع
أنا عندي فكرة مشروعين الأول طرحته قبل يومين وهو تقسيط بطاقات سوى مبلغ 5000 و 10000
ولكن ما ارتاحت له نفسي بسبب ان بعض المكاتب شغلهم في شبهه وكذلك في حكمه خلاف بين أهل العلم بين محرم له ومحلل
أما المشروع الثاني فهو شراكه في فتح محل عود وعطورات وشريكي عنده محل خارج الرياض ويمدح الشغل يقول فيه مكاسب 100% وأحياناً 200%
وأنا حصلت محل للتقبيل موقعه ممتاز والمحلات اللي جنبه تساعد نشاط المحل فاليمين تفصيل ملابس رجالية واليسار فتحتين مستلزمات رجالية ولايوجد على الشارع محل عود وعطورات
ولكن مطلوب فيه للتنازل 40000 وباقي فيه خمسة شهور واجار المحل السنوي 30000

السؤال اي المشروعين أفضل
واتمنى من أصحاب الخبره في المجالين لا يقصرون وبالذات مجال العود والعطورات
وهل الأسعار مناسبه سعر التنازل وسعر الإيجار السنوي
والله يوفقنا وياكم لكل خير ويفتح لنا أبواب رزقه
علما أن راس المال 40000 قرض من أحد البنوك