لا تقطعوا الامل يااخوان... ولا تعلقوا كل آمالكم على الجامعة..

انا بتكلم عن نفسي من بداية التقديم على الوظيفة وحتى بلغوني اني تم اختياري للوظيفة..

في البداية انا قدمت على الجامعة مع اللي قدموا وكنت اقول خلني اقدم عشان مااتحسف بعدين(مع العلم اني غير موظف ومحتاج للوظيفة الى ابعد حد).. ولما قدمت نسيتهم وقلت خلني اكون ما كأني مقدم عشان مااتحطم في الاخير وهذا اللي حصل معي..
وفيه نقطة ثانية مهمة جداً.. انا قدمت على جامعة المجمعة ووالله اني كنت اتمناها تمني.. لكن ماقد دعيت ربي في يوم اني اتوظف في جامعة المجمعة.. كان دعائي دائماً وفي كل وقت: ( يارب انك اعلم بحالي وبما يصلحني ويسعدني وما يشقيني اللهم ان كنت تعلم ان جامعة المجمعة خير لي في ديني ومعاشي وعاقبة امري وعاجل امري وآجله فوفقني اليها ثم بارك لي فيها.. وان كنت تعلم انها شر لي في ديني ومعاشي وعاقبة امري وعاجل امري وآجله فاصرفها عني واصرفني عنها واقدر لي الخير حيث كان ثم رضني به)..

وفي الاخير الحمد لله ارسلوا لي رسالة اكمل اوراق التعيين ورحت وكملت الاوراق وحتى الآن ماباشرت..

مع العلم(وحطوا تحتها الف خط) : اني والله العظيم مادخلت اي واسطة ولا حاولت اطلب واسطة احد ابد.. لكن الله سبحانه هو الرزاق وحده..

آمنت بالله آمنت بالله.. *