بسم الله الرحمن الرحيم


كل عام وانتم بالف خير وشهر مبارك

وان شاء الله يكون شهر خير علينا وتطلع اسامينا باذن الله المهم انا من سكان مدينة الطائف واعذروني ابتكلم معكم بالعاميه ""حركت من الطائف يوم الجمعه 28/8 الى الرياض ووصلت الساعه سبعه صباح السبت واستاجرت وعلى طول ايجارمن الشقه ليموزين الى وزارة العدل رحت مكاتب المسوولين عن التوظيف حصلت موضفين في مكتب قزاز سالتهم عن الوضايف قال لي موضف الملفات عند الخدمه المدنيه واذا انتهت على طول تجينا ونعلن الاسماء قلت طيب لها فتره عند الخدمه قال ايه قلت له متى طيب الاعلان قال بتطول شوي بعد العيد الموعد الاكيد سالته كيف طريقة اعلان الاسماء على دفعات والا كلهم قال على حسب احتياج كل منطقه واكيد بتكون على دفعات مشيت من عنده ورحت مكتب ثاني في نفس الدور وسالت موضف ثاني قال لي نفس الكلام بعد العيد ""خرجت من وزارة العدل ورحت الخدمه المدنيه سالتهم قالوا ماعندنا شي روح الفرع حق الخدمه المدنيه وهو قريب من هنا الملفات عندهم حركت على الفرع حق الخدمه المدنيه واول مادخلت حصلت الدور الاول مليان من المعلمين عشان الوضايف التعليميه طلعت الدور الثاني قسم التوظيف دخلت على موضف سالته قال مو عندي روح المكتب الثاني رحت المكتب الثاني قال ماعندنا شي روح المكتب اللي جنبنا رحت المكتب اللي جنبه حصلت واحد بن حلال جلسني على كرسي وسالته قال انا ماعندي شي لكن ابقول لك حاجه قال في الفرع ذا في موضفين اثنين متخصصين في وضايف وزارة العدل الاكثر تخصص في هذا المجال عنده اجازه تسعة عشر يوم والثاني تحت مشغول في الوظايف التعليميه قلت ليش التاخير يعني انتم اللي عطلتم الشغله كل ابوها قال لا وزارة العدل هي اللي ارسلت الملفات لنا ولاحددت وقت معين يعني بالعربي وزارة العدل مو مستعجله على الوظايف لو مستعجله كان خلصناها في اسبوع واعلناها قلت طيب ليش ماتدلني على الموظف الثاني المتخصص في وضايف العدل قال انزل تحت واسال عن الموظف الفلاني واساله قلت يعطيك العافيه نزلت تحت وحصلت الموظف سالته قلت وظايف وزارة العدل وش الجديد فيها قال شغلتها شغله باقي ماسوينا شي الان حنا ندقق الملفات بس واي واحد عنده نقص نكلم وزارة العدل يتواصلون معاه ويقول باقي نفرز الاسماء ونفاضل بينكم سنة التخرج والخبره والتخصص ونرتبها نرسلها لوزارة العدل والاعلان من عند الوزارة واكيد على دفعات قت طيب ليش التاخير قال وزارة العدل مااعطتنا وقت محدد وقال لي تبغاها من النهايه لاتنتطر شي الان بعد العيد تنزل الاسماء الان مستحيل وخرجت من المكتب ورجعت الشقه )

واخيرا يااخوان اللي ساكنين في الرياض ياليت تراجعونهم كل اسبوع لاني من منطقه بعيده ومشيت ايجار الى الرياض واستاجرت شقه ومن الشقه ايجار الى العدل ومن العدل ايجار الى الخدمه ومن الخدمه ايجار الى الفرع ومن الفرع ايجار الى الشقه ومن الشقه ايجار الى الطائف وفي الحر والشمس بس لاني شايل هم الوظيفه وحبيت اتاكد وافيدكم ياليت تتعاونون معنا ونبغى واحد بس يروح لهم نهاية كل اسبوع ويشوف وش حصل معهم ويفيدنا""""""

اسال الله في هذا الشهر الكريم ان يتقبل صيامنا ويجعلنا من عتقائه من النار وان يرزقنا الوظيفه ان شاء الله

في النهايه حبيت اسال هل يوجد احد قدم على العدل وطلع اسمه مع السته الاف حقت التعليم
والسلام عليكم ورحة الله وبركاته

محبكم ؛؛محمد الحارثي