[align=center][align=center][align=center][align=justify]السلام عليكم و رحمة الله و بركاته :

كل عام و انتم بألف خير و ينعاد عليكم يا رب

و ألف ألف مبروك لكل اللي انقبلوا في جامعة الباحة و الله يعطيكم خير هذي الوظيفة و يكفيكم شرها


الحين انا عندي استفسارين الأول خاص لمعيدي و معيدات جامعة الباحة و الثاني للمعيدين و المعيدات بشكل عام


أولا : الحين الحمد لله رب العالمين تم قبولنا في جامعة الباحة بالأحرى كلية تابعة للجامعة في احدى المحافظات و خلصنا امورنا و باشرنا و كل شي تقريبا تاريخ المباشرة نهاية شعبان

نتفاجئ بعد كذا انهم قالولنا تعالوا كل يوم زي الشاطرين و داوموا الى 24 رمضان مع العلم انه ما نزلولنا ترم صيفي او خلونا ندرس سنة تحضيرية او حتى أوكلولنا عمل اداري و كل كادر أعضاء هيئة التدريس السابقين من معيدين و دكاترة مأجزين ما يداوم الا الاداريين فقط و اللي عندهم ترم صيفي فعلى أي أساس ندوام ؟؟؟؟؟؟؟؟؟ و لا عشان نحلل الراتب !!!!

فطبعا احنا حسبناها بالعقل و اتفقنا انه ما نداوم الا ان شاء الله 6 شوال فهل علينا مسائلة بالرغم من ان العميد يقول لازم تداوموا لا و الأدهى و الامر كاننا في مدرسة نجي نوقع كل يوم وهل يحسب علينا غياب ؟؟؟؟؟؟؟؟؟؟؟؟

اللي سمعته ان اللي تعينوا معيدين في جامعة الباحة بس و قعوا المباشرة و ضربوا الباب و احنا بس اللي نداوم فيا ليت اللي عنده خلفية عن الموضوع يفيدنا رجاءا

ثانيا : استفسار لكل المعيدين و خاص المعيدين اللي في كليات المحافظات اللي اعرفه لما كنا ندرس في الجامعة يجي الدكتور او المعيد على وقت المحاضرة و يعطي المحاضرة و يخرج حتى قبل نهاية الدوام و لا يوقع حضور و انصراف و الأيام اللي ما فيها محاضرات أو ساعات مكتبية ما يجي فما أدري الكلام هذا يطبق كمان في كليات المحافظات ولا لسا على النظام السابق من 8 ل 2 ظهرا حتى لو ما عندك شي تنتظر الين الساعة 2 مع ان الكليات الحين صارت نظام جامعة

أعتذر عالاطالة و شكرا مقدما و اللي عنده و لو معلومة بسيطة يا ليت يفيدنا و هل معانا حق ؟؟؟؟؟؟؟؟؟؟

جزاكم الله خير و مبارك عليكم الشهر
[/align] [/align][/align][/align]